ಕಿಡ್ನಿ ವೈಫಲ್ಯ: ನಟಿ ಮಿಶ್ತಿ ಮುಖರ್ಜಿ ಸಾವು

ನವದೆಹಲಿ: ಹಲವಾರು ಚಿತ್ರಗಳಲ್ಲಿ ಹಾಗೂ ಮ್ಯೂಸಿಕ್ ವಿಡಿಯೋಗಳಲ್ಲಿ ತನ್ನ ಪ್ರತಿಭೆಯಿಂದ ಜನರ ಮನಗೆದ್ದಿದ್ದ ನಟಿ ಮಿಶ್ತಿ ಮುಖರ್ಜಿಯವರು ನಿಧನರಾಗಿದ್ದಾರೆ. 

ಕಿಡ್ನಿ ವೈಫಲ್ಯದಿಂದ ಬಳಲುತ್ತಿದ್ದ ಮಿಶ್ತಿ ಮುಖರ್ಜಿಯವರು, ಶುಕ್ರವಾರ ರಾತ್ರಿ ನಿಧನರಾಗಿದ್ದಾರೆ. ಮಿಶ್ತಿಯವರು ಕಿಟೋ ಕಿzಟೋ ಡಯಟ್ ನಲ್ಲಿದ್ದರು. ಇದೇ ಅವರ ಸಾವಿಗೆ ಕಾರಣವಾಗಿದೆ ಎಂದು ಹೇಳಲಾಗುತ್ತಿದೆ. 

ಮಿಶ್ತಿಯವರು ಬೆಂಗಳೂರಿನಲ್ಲಿಯೇ ಕೊನೆಯುಸಿರೆಳೆದಿದ್ದಾರೆ. ಮಿಶ್ತಿಯವರು ಅಂತಿಮ ಸಂಸ್ಕಾರವನ್ನು ಶನಿವಾರ ಬೆಳಿಗ್ಗೆ ನೆರವೇರಿಸಲಾಗಿದೆ. 

ಮಿಶ್ತಿಯವರು ತಮ್ಮ ವೃತ್ತಿಜೀವನವನ್ನು ಲೈಫ್ ಕಿ ತೋಹ್ ಲಾಗ್ ಗಾಯಿ ಚಿತ್ರದೊಂದಿಗೆ ಆರಂಭಿಸಿದ್ದರು. 2013ರಲ್ಲಿ ಬಿಡುಗಡೆಗೊಂಡಿದ್ದ ಹಲವು ಚಿತ್ರಗಳಲ್ಲಿ ವಿಶೇಷ ಪಾತ್ರಗಳಲ್ಲಿಯೂ ಕಾಣಿಸಿಕೊಂಡಿದ್ದರು.