'ಗಾಡ್ ಫಾದರ್' ಗೆ ಗೌರವ ಸಲ್ಲಿಸಿದ ಅನುಪಮ್ ಖೇರ್

ಮುಂಬೈ: 'ದಿ ಗಾಡ್ ಫಾದರ್' ಖ್ಯಾತಿಯ ಹಾಲಿವುಡ್ ದಂತಕಥೆ ಮರ್ಲನ್ ಬ್ರ್ಯಾಂಡೊ ಅವರ ೧೧ನೆ ಪುಣ್ಯತಿಥಿಯ ಸಂದರ್ಭದಲ್ಲಿ ಖ್ಯಾತ ಬಾಲಿವುಡ್ ನಟ ಅನುಪಮ್ ಖೇರ್ 'ದಿ ಗಾಡ್ ಫಾದರ್' ಸಿನೆಮಾದ ದೃಶ್ಯವೊಂದನ್ನು ಮತ್ತೆ ಅಭಿನಯಿಸಿ ವಿಡಿಯೋ ಮಾಡಿ ಗೌರವ ಸಲ್ಲಿಸಿದ್ದಾರೆ.

ವಿಡಿಯೋ ಸೆಲ್ಫಿ ಮೊಬೈಲ್ ಆಪ್ #ವೆಲ್ಫಿ ಬಳಸಿ ಅನುಪಮ್ ಖೇರ್ ವಿಡಿಯೋ ಚಿತ್ರೀಕರಿಸಿದ್ದಾರೆ.

೧೯೭೨ ರ 'ದಿ ಗಾಡ್ ಫಾದರ್' ಸಿನೆಮಾದ ಸಂಭಾಷಣೆಯ ಪ್ರಖ್ಯಾತ ಸಾಲುಗಳಾದ "ಐ ಆಮ್ ಗೋಂನ್ನ ಮೇಕ್ ಎನ್ ಆಫರ್ ಹಿ ಕೆನ್ನಾಟ್ ರೆಫ್ಯೂಸ್" (ಅವನು ತಿರಸ್ಕರಿಸಲು ಆಗದಂತ ಒಂದು ಪ್ರಸ್ತಾವನೆ ನೀಡುತ್ತೇನೆ) ಅಭಿನಯಿಸಿ ಸೋಮವಾರ ಟ್ವಿಟ್ಟರ್ ನಲ್ಲಿ ತೇಲಿಬಿಟ್ಟಿದ್ದಾರೆ.

" ಮರ್ಲನ್ ಬ್ರ್ಯಾಂಡೊ ಅವರ ೧೧ನೆ ಪುಣ್ಯತಿಥಿಯ ಸಂದರ್ಭದಲ್ಲಿ, ಈ ಮೇರು ನಟನಿಗೆ ನಾನು ಗೌರವ ಸಮರ್ಪಿಸಲು ಪ್ರಯತ್ನಿಸಿದ್ದೇನೆ" ಎಂದು ಕೂಡ ಬರೆದಿದ್ದಾರೆ.