ಪ್ರತಿ ಭಾವನೆಯಲ್ಲು ಚಲನೆ ಮೂಡಿಸಿದ 'ಪಿಕು' ಟ್ರೇಲರ್ ಬಿಡುಗಡೆ

ಮುಂಬೈ: ದೀಪಿಕಾ ಪಡುಕೋಣೆ, ಇರ್ಫಾನ್ ಖಾನ್ ಮತ್ತು ಅಮಿತಾಬ್ ಬಚ್ಚನ್ ನಟನೆಯ 'ಪಿಕು' ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದೆ.

ಅಮಿತಾಬ್ ಬಚ್ಚನ್ ತಮ್ಮ ನಿತ್ಯಕರ್ಮವನ್ನು ಪೂರೈಸಲು ಹೆಣಗುವ ಮತ್ತು ಅವರ ಮಗಳಾಗಿ ದೀಪಿಕಾ ತಂದೆಯನ್ನು ಶಾಂತಿಯುತವಾಗಿ ಇರಿಸಲು ಒದ್ದಾಡುವ ದೃಶ್ಯಗಳನ್ನು ಟ್ರೇಲರ್ ತೋರಿಸಿದೆ.

ಟ್ರೇಲರ್ ಹಾಸ್ಯಮಯ, ಕುತೂಹಲಭರಿತ ಮತ್ತು ಭರವಸೆ ಮೂಡಿಸುತ್ತದೆ. ಆದುದರಿಂದ ಎಲ್ಲರೂ ೮ ಮೇ ೨೦೧೫ ರಂದು ಬಿಡುಗಡೆಗಾಗಿ ಕಾದಿದ್ದಾರೆ.

ಶೂಜಿತ್ ಸರ್ಕಾರ್ ನಿರ್ದೇಶನದ 'ಪಿಕು', ತಂದೆ ಮಗಳ ಸೂಕ್ಷ್ಮ ಬಾಂಧವ್ಯವನ್ನು ಸೆರೆಹಿಡಿಯುತ್ತದೆ. ೯೦ ವರ್ಷದ ಮಗುವಿನಂತಹ ತಂದೆಯನ್ನು ಮಗಳು ನೋಡಿಕೊಳ್ಳಬೇಕಾದ ಸಂದಿಗ್ಧ ಮತ್ತು ಸೂಕ್ಷ್ಮತೆಯನ್ನು ಹಿಡಿದಿಡಲಾಗಿದೆ.

'ಪಿಕು' ಸಿನೆಮಾದಲ್ಲಿ ದೀಪಿಕಾ ಪಡುಕೋಣೆ ಅವರ ಹೆಸರು.