ದ್ವಿಪಾತ್ರದಲ್ಲಿ ಅಭಿನಯಿಸುವುದೆಂದರೆ ಎರಡು ಸಿನೆಮಾಗಳಲ್ಲಿ ನಟಿಸಿದಂತೆ: ಗಣೇಶ್

ಬೆಂಗಳೂರು: 'ಸ್ಟೈಲ್ ಕಿಂಗ್' ೨೦೧೬ರ ಗಣೇಶ್ ಅವರ ಮೊದಲ ಚಿತ್ರವಾಗಿದ್ದು, ಮೊದಲ ಬಾರಿಗೆ ನಟ ದ್ವಿಪಾತ್ರದಲ್ಲಿ ನಟಿಸಿರುವುದು ವಿಶೇಷ.

ಇದು ತಮಗೆ ಏಕೆ ವಿಶೇಷ ಎಂದು ವಿವರಿಸುವ ಗಣೇಶ್ "ದ್ವಿಪಾತ್ರದಲ್ಲಿ ಅಭಿನಯಿಸುವುದೆಂದರೆ ಎರಡು ಸಿನೆಮಾಗಳಲ್ಲಿ ನಟಿಸಿದಂತೆ. ಸ್ಕ್ರೀನ್ ಮೇಲೆ ಎರಡು ಅವತಾರಗಳಲ್ಲಿ ನಾನು ಕಾಣಿಸಿಕೊಳ್ಳುವುದು ಥ್ರಿಲ್ ಅನುಭವ. ಮನರಂಜಿಸುವ ಹಳೆ ಗಣೇಶ್ ಕೂಡ ಇದ್ದಾನೆ ಮತ್ತು ಮಾಫಿಯಾ ನೋಟ ಹೊಸ ಗಣೇಶ್ ಕೂಡ ಇದ್ದಾನೆ. ಇದು 'ಸ್ಟೈಲ್ ಕಿಂಗ್'ನ ಮುಖ್ಯಾಂಶ. ಇದೊಂದು ಪ್ರಯೋಗ, ಅದಕ್ಕಾಗಿ ಮಾನಸಿಕವಾಗಿ ದೈಹಿಕವಾಗಿ ಹೆಚ್ಚಿನ ಶ್ರಮ ಬೇಡಿತ್ತು ಮತ್ತು ಹೆಚ್ಚು ಸಮಯ ಹಿಡಿಯಿತು. ಇದಕ್ಕೆ ಬೇರೆಯದ್ದೇ ರೀತಿಯ ಆಂಗಿಕ ಭಾಷೆಯ ಅಗತ್ಯ ಇತ್ತು" ಎನ್ನುತ್ತಾರೆ.

ಹಲವಾರು ಕಾರಣಗಳಿಗೆ ಸಿನೆಮಾ ವಿಳಂಬವಾಗಿದ್ದರೂ ಈ ವಿಶಿಷ್ಟ ಸಿನೆಮಾ ಹೊರತರುವಲ್ಲಿ ಪಿ ಸಿ ಶೇಖರ್ ಯಶಸ್ವಿಯಾಗಿರುವುದಕ್ಕೆ ಹರ್ಷ ವ್ಯಕ್ತ ಪಡಿಸುವ ಗಣೇಶ್ "ಕಥೆಯಲ್ಲಿ ವಿಶಿಷ್ಟತೆ ಇದ್ದರೆ ಮಾತ್ರ ಸಿನೆಮಾದ ಪಾತ್ರವಾಗುವೆನೆಂದು ಹಿಂದೆ ಶೇಖರ್ ಅವರಿಗೆ ತಿಳಿಸಿದ್ದೆ. ಅವರು ಆ ನಂಬಿಕೆಯನ್ನು ಉಳಿಸಿದ್ದಾರೆ" ಅನ್ನುತ್ತಾರೆ.

ಗಣೇಶ್ ಸದ್ಯಕ್ಕೆ 'ಮುಂಗಾರು ಮಳೆ-೨' ಸಿನೆಮಾದ ಚಿತ್ರೀಕರಣದಲ್ಲಿ ನಿರತರಾಗಿದ್ದಾರೆ.