'ತಿಥಿ' ಮೆಚ್ಚಿದ ಬಾಲಿವುಡ್ ನಟಿ ಕಲ್ಕಿ

ಬೆಂಗಳೂರು: ನಿರ್ದೇಶಕ ರಾಮ್ ರೆಡ್ಡಿ ನಿರ್ದೇಶನದ 'ತಿಥಿ' ರಾಷ್ಟ್ರಪ್ರಶಸ್ತಿ ವಿಜೇತ ಕನ್ನಡ ಚಲನಚಿತ್ರ ಅಂತರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆದು, ಈಗ ಕರ್ನಾಟಕದಲ್ಲೂ ತುಂಬಿದ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣುತ್ತಿರುವುದು ವಿಶೇಷ.

'ತಿಥಿ' ಸಿನೆಮಾ ಹಾಲಿವುಡ್ ನ ಖ್ಯಾತ ನಿರ್ದೇಶಕ 'ಗಾಡ್ ಫಾದರ್' ಖ್ಯಾತಿಯ ಫ್ರಾನ್ಸಿಸ್ ಕೊಪ್ಪೋಲಾ ಇಂದ ಹಿಡಿದು ಬಾಲಿವುಡ್ ನ ಖ್ಯಾತ ನಿರ್ದೇಶಕ 'ಗ್ಯಾಂಗ್ಸ್ ಆಫ್ ವಸೀಪುರ್' ಖ್ಯಾತಿಯ ಅನುರಾಗ್ ಕಶ್ಯಪ್ ನಂತಹ ಅಭಿಮಾನಿಗಳನ್ನು ಪಡೆದಿತ್ತು. ಈಗ ಈ ಪಟ್ಟಿಗೆ ಬಾಲಿವುಡ್ ನಟಿ ಕಲ್ಕಿ ಕೋಚ್ಲಿನ್ ಕೂಡ ಸೇರ್ಪಡೆಯಾಗಿದ್ದಾರೆ.

'ತಿಥಿ' ಸಿನೆಮಾ ನೋಡಿ ಅದನ್ನು ಪ್ರಶಂಸಿಸಲು ಟ್ವಿಟ್ಟರ್ ಮೊರೆ ಹೋಗಿರುವ ಕಲ್ಕಿ "'ತಿಥಿ' ನೋಡಿ. ಸರಳ ಆದರೆ ಹಾಸ್ಯಮಯ ಮತ್ತು ತಾತ್ವಿಕ ಸಿನೆಮಾ" ಎಂದು ಟ್ವೀಟ್ ಮಾಡಿದ್ದಾರೆ.