ಮುಂಬೈ: ರಂಜಾನ್ ಹಬ್ಬಕ್ಕೆ ತೆಹೆರಾನ್ ನ ಮನೆಗೆ ವಿರಾಮಕ್ಕೆ ತೆರಳಿದ್ದ ಅಂತಾರಾಷ್ಟ್ರೀಯ ಖ್ಯಾತಿಯ ಇರಾನಿ ಸಿನೆಮಾ ನಿರ್ದೇಶಕ ಮಜೀದ್ ಮಜಿದಿ, ತಮ್ಮ ಮುಂದಿನ ಚಿತ್ರ 'ಬಿಯಾಂಡ್ ಕ್ಲೌಡ್ಸ್' ಕೆಲಸಕ್ಕೆ ಹಿಂದಿರುಗಿದ್ದಾರೆ.
ಇತ್ತೀಚಿಗೆ ಅವರು ಆಸ್ಕರ್ ಪ್ರಶಸ್ತಿ ವಿಜೇತ ಸಂಗೀತ ನಿರ್ದೇಶಕ ಎ ಆರ್ ರಹಮಾನ್ ಅವರೊಂದಿಗೆ ಮುಂಬೈ ಸ್ಟುಡಿಯೋದಲ್ಲಿ ಕೆಲಸ ಮಾಡುತ್ತಿರುವ ಸ್ಟಿಲ್ ಲಭ್ಯವಾಗಿತ್ತು.
ಮೂಲಗಳ ಪ್ರಕಾರ "ಎ ಆರ್ ರಹಮಾನ್ ಅವರೊಂದಿಗೆ ಕೆಲಸ ಮಾಡುತ್ತಿರುವುದಕ್ಕೆ ಮಜೀದ್ ಮಜಿದಿ ಹರ್ಷಗೊಂಡಿದ್ದಾರೆ. ಚಿತ್ರೀಕರಣ ಸಂಪೂರ್ಣಗೊಂಡಿದ್ದು, ಚಿತ್ರೀಕರಣದ ನಂತರದ ಕೆಲಸಗಳಲ್ಲಿ ನಿರತರಾಗಿದ್ದಾರೆ" ಎನ್ನುತ್ತವೆ.
ಶಾಹಿದ್ ಕಪೂರ್ ಅವರ ಕಿರಿಯ ಸಹೋದರ ಇಶಾನ್ ಖಟ್ಟರ್ ಮತ್ತು ಮಾಳವಿಕಾ ಮೋಹನ್ ನಟಿಸಿರುವ ಈ ಸಿನೆಮಾವನ್ನು ಸಂಪೂರ್ಣವಾಗಿ ಭಾರತದಲ್ಲಿ ಚಿತ್ರೀಕರಿಸಲಾಗಿದೆ. ಇದು ಮಜಿದಿ ಅವರ ಮೊದಲ ಭಾರತೀಯ ಚಿತ್ರ
