ಅಕ್ಷರಾ ಹಾಸನ್ ಮತಾಂತರ: ಧರ್ಮ ಮುಖ್ಯವಲ್ಲ, ಪ್ರೀತಿ ಮುಖ್ಯ ಎಂದ ನಟ ಕಮಲ್ ಹಾಸನ್

ನವದೆಹಲಿ: ಧರ್ಮ ಮುಖ್ಯವಲ್ಲ, ಪ್ರೀತಿ ಮುಖ್ಯ...ಜೀವನವನ್ನು ಆನಂದಿಸು ಎಂದು ಪುತ್ರಿ ಅಕ್ಷರಾ ಹಾಸನ್ ಅವರಿಗೆ ನಟ ಕಮಲ್ ಹಾಸನ್ ಅವರು ಶನಿವಾರ ಹೇಳಿದ್ದಾರೆ.

ಪ್ರತಿಭಾನ್ವಿತ ಯುವ ನಟಿ ಅಕ್ಷರಾ ಹಾಸನ್ ಅವರು ಬೌದ್ಧ ಧರ್ಮಕ್ಕೆ ಮತಾಂತರಗೊಂಡಿದ್ದು, ಇದೀಗ ಭಾರೀ ಸುದ್ದಿ ಮಾಡುತ್ತಿದೆ. ಈ ಹಿನ್ನಲೆಯಲ್ಲಿ ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಟ್ವೀಟ್ ಮಾಡಿರುವ ಕಮಲ್ ಹಾಸನ್ ಅವರು,  ಮಗಳೇ ಧರ್ಮವನ್ನು ಬದಲಾವಣೆ ಮಾಡಿದ್ದೀಯಾ? ನಿನ್ನನ್ನು ಪ್ರೀತಿಸುತ್ತೇನೆ...ಧರ್ಮ ಮುಖ್ಯವಲ್ಲ, ಪ್ರೀತಿ ಮುಖ್ಯ. ಜೀವನವನ್ನು ಆನಂದಿಸು...ಲವ್...ಯುವರ್ ಬಪ್ಪಾ ಎಂದು ಹೇಳಿಕೊಂಡಿದ್ದಾರೆ. 

ತಂದೆಯ ಟ್ವೀಟ್ ಗೆ ಪ್ರತಿಕ್ರಿಯೆ ನೀಡಿರುವ ಪ್ರತಿಭಾನ್ವಿತ ಯುವ ನಟಿ ಅಕ್ಷರಾ ಅವರು, ಹಾಯ್ ಬಾಪೂಜಿ...ನಾನಿನ್ನೂ ಮತಾಂತರಗೊಂಡಿಲ್ಲ. ಈಗಲೂ ನಾನು ನಾಸ್ತಿಕಳಾಗಿಯೇ ಇದ್ದೇನೆ. ಬೌದ್ಧ ಧರ್ಮ ಒಬ್ಬ ವ್ಯಕ್ತಿಯ ಜೀವನದ ಮಾರ್ಗವಾಗಿದ್ದು, ಬೌದ್ಧ ಧರ್ಮದ ಜೀವನ ವಿಧಾನವನ್ನು ವೈಯಕ್ತಿಕವಾಗಿ ಒಪ್ಪಿಕೊಳ್ಳುತ್ತೇನೆಂದು ತಿಳಿಸಿದ್ದಾರೆ.