ತಮಗೆ ಎದುರಾದ ಅಪಾಯದ ಕುರಿತಂತೆ ಸಾಮಾಜಿಕ ಜಾಲತಾಣ ಟ್ವಿಟ್ಟರ್ ನಲ್ಲಿ ಹೇಳಿಕೆ ನೀಡಿರುವ ಸನ್ನಿಲಿಯೋನ್ ಅವರು, ಹವಾಮಾನ ವೈಪರೀತ್ಯದಿಂದಾಗಿ ಮಹಾರಾಷ್ಟ್ರದ ಬಳಿ ನಾವು ಪ್ರಯಾಣ ಮಾಡುತ್ತಿದ್ದ ವಿಮಾನ ಅಪಘಾತಕ್ಕೀಡಾಗುತ್ತಿತ್ತು. ಸ್ವಲ್ಪದರಲ್ಲಿಯೇ ಅಪಾಯದಿಂದ ಪಾರಾಗಿದ್ದೇವೆ. ದೇವರ ದಯೆಯಿಂದ ಜೀವಂತವಾಗಿದ್ದೇವೆ. ವಿಮಾನದಲ್ಲಿ ನನ್ನೊಂದಿಗೆ ನನ್ನ ಪತಿ ಡೇನಿಯರ್ ವೆಬರ್ ಕೂಡ ಇದ್ದರು. ವಿಮಾನದಲ್ಲಿದ್ದ ಪ್ರತಿಯೊಬ್ಬರೂ ಸಾಕಷ್ಟು ಭಯಭೀತರಾಗಿದ್ದರು. ಇದೀಗ ಎಲ್ಲರೂ ಸುರಕ್ಷಿತರಾಗಿದ್ದು, ಮನೆಗಳಿಗೆ ತೆರಳುತ್ತಿದ್ದೇವೆ. ಪೈಲಟ್ ಗಳ ಕಾರ್ಯವನ್ನು ಶ್ಲಾಘಿಸಲೇಬೇಕು. ಎಲ್ಲರ ಪ್ರಾಣವನ್ನು ಕಾಪಾಡಿದ್ದಾರೆಂದು ಹೇಳಿದ್ದಾರೆ.
