ಚೆನ್ನೈ: ಕುಡಿದು ಚಾಲನೆ ಮಾಡಿದ ಆರೋಪದ ಮೇಲೆ ನ್ಯಾಯಾಲಯ ತಮಿಳಿನ ನಟ ಜೈ ಸಂಪತ್ ಅವರಿಗೆ 5,200 ದಂಡ ಹಾಗೂ 6 ತಿಂಗಳ ಕಾಲ ಪರವಾನಗಿ ರದ್ದು ಮಾಡಿದೆ.
ಸೆಪ್ಟೆಂಬರ್ 21ರಂದು ಆಡಿ ಕಾರನ್ನು ಓಡಿಸುತ್ತಿದ್ದ ಜೈ ಸಂಪತ್ ಆದ್ಯಾರ್ ಬ್ರಿಡ್ಜ್ ನ ಕಂಬಕ್ಕೆ ಗುದ್ದಿದ್ದರು. ಈ ವೇಳೆ ಸುಬ್ರಮಣಿಯಂಪುರಂ ನಟ ಕುಡಿದು ಚಾಲನೆ ಮಾಡಿದ್ದರು ಎಂದು ದೂರು ದಾಖಲಿಸಿದ್ದರು.
ಕುಡಿದು ಚಾಲನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ನ್ಯಾಯಾಲಯದಲ್ಲಿ ಜೈ ಸಂಪತ್ ಅವರು ಕುಡಿದು ಚಾಲನೆ ಮಾಡಿರುವುದು ಇದು ಎರಡನೇ ಪ್ರಕರಣವಾಗಿದ್ದು ಅವರ ಚಾಲನ ಪರವಾನಗಿಯನ್ನು ರದ್ದು ಪಡಿಸುವಂತೆ ಮನವಿ ಮಾಡಿದರು. ಅಂತೆ ನ್ಯಾಯಾಲಯ ಅವರ ಪರವಾನಗಿಯನ್ನು ಆರು ತಿಂಗಳಿಗೆ ರದ್ದು ಮಾಡಿದೆ.
ಜೈ ಸಂಪತ್ ಅವರು 2014ರಲ್ಲಿ ಕುಡಿದು ಚಾಲನೆ ಮಾಡಿ ಅಶೋಕ್ ನಗರದ ಕಾಶಿ ಥಿಯೇಟರ್ ಬಳಿ ಡಿವೈಡರ್ ಗೆ ಗುದ್ದಿದ್ದು ಅಂದು ಸಹ ಅವರ ವಿರುದ್ಧ ಕುಡಿದು ಚಾಲನೆ ಪ್ರಕರಣವನ್ನು ದಾಖಲಿಸಲಾಗಿತ್ತು.
