ಶಿವರಾಜ್ ಕುಮಾರ್ ನಟನೆಯ ಬಹು ನಿರೀಕ್ಷಿತ ಚಿತ್ರ ಟಗರು ಬಿಡುಗಡೆಯಾಗಬೇಕಿದೆ. ಆಗಲೇ ಅದರ ಮುಂದುವರಿದ ಭಾಗವನ್ನು ನಿರ್ದೇಶನ ಮಾಡಲು ನಿರ್ದೇಶಕ ಸೂರಿ ಮುಂದಾಗಿದ್ದಾರೆ. ಕಳೆದ ಶನಿವಾರ ಶಿವರಾಜ್ ಕುಮಾರ್ ಅವರ ಕೊನೆಯ ಹಂತದ ಚಿತ್ರದ ಭಾಗವನ್ನು ಶೂಟಿಂಗ್ ಮಾಡುವ ವೇಳೆ ಬಂಡಿ ಮಕಾಳಮ್ಮ ದೇವಸ್ಥಾನದಲ್ಲಿ ಇದನ್ನು ಘೋಷಿಸಲು ನಿರ್ದೇಶಕರು ತೀರ್ಮಾನಿಸಿದರು.
ನಿರ್ಮಾಪಕ ಶ್ರೀಕಾಂತ್ ಕೂಡ ಟಗರಿನ ಮುಂದುವರಿದ ಭಾಗವನ್ನು ನಿರ್ಮಿಸಲು ಒಲವು ತೋರಿದ್ದಾರೆ. ಚಿತ್ರತಂಡ ಅದರ ಸರಳ ಮುಹೂರ್ತವನ್ನು ಕೂಡ ನೆರವೇರಿಸಿತು.
ಚಿತ್ರಕಥೆ ಮೂಲಕ ನಾನು ಈ ಟಗರು ಪಾತ್ರವನ್ನು ಮುಂದುವರಿಸಬೇಕು. ಮೊದಲಿಗೆ ಟಗರು ಚಿತ್ರವನ್ನು ಜನರು ಹೇಗೆ ಸ್ವೀಕರಿಸುತ್ತಾರೆ ಎಂದು ನೋಡಿಕೊಂಡು ಅದರ ಮುಂದುವರಿದ ಭಾಗವನ್ನು ಹೇಗೆ ಚಿತ್ರೀಕರಿಸಬೇಕೆಂದು ಸ್ಪಷ್ಟ ಚಿತ್ರಣ ಸಿಗುತ್ತದೆ ಎನ್ನುತ್ತಾರೆ ನಿರ್ದೇಶಕರು.
ಟಗರು ಚಿತ್ರ ಮುಂದಿನ ತಿಂಗಳು ಬಿಡುಗಡೆಯಾಗಲಿದ್ದು ಶಿವರಾಜ್ ಕುಮಾರ್, ಭಾವನಾ, ಮಾನ್ವಿತಾ ಹರೀಶ್, ಧನಂಜಯ, ವಶಿಷ್ಟ ಸಿಂಹ ಮೊದಲಾದವರು ನಟಿಸಿದ್ದಾರೆ. ಚರಣ್ ರಾಜ್ ಅವರ ಸಂಗೀತ, ಮಹೇಂದ್ರ ಸಿಂಹ ಅವರ ಛಾಯಾಗ್ರಹಣ ಚಿತ್ರಕ್ಕಿದೆ.
