ಬೆಂಗಳೂರು: ಇತ್ತೀಚೆಗಷ್ಟೆ ತೆರಕಂಡಿದ್ದ ಸಮರ್ಥ ಚಿತ್ರದಲ್ಲಿನ ಅಶ್ಲೀಲ ಸಂಭಾಷಣೆಯೊಂದು ಇದೀಗ ವಿವಾದಕ್ಕೆ ಕಾರಣವಾಗಿದೆ.
ಚಿತ್ರದ ಸಂಭಾಷಣೆ ಕುರಿತಂತೆ ಹುಚ್ಚಾ ವೆಂಕಟ್ ಅಭಿಮಾನಿಗಳು ನಟಿ ರಚನಾ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿ ಅವಾಚ್ಯ ಶಬ್ದಗಳಿಂದ ನಿಂದಿಸಿರುವುದಾಗಿ ಆರೋಪಿಸಿ ರಚನಾ ಪೊಲೀಸರಿಗೆ ದೂರು ನೀಡಿರುವುದಾಗಿ ಮಾಧ್ಯಮಗಳಲ್ಲಿ ವರದಿಯಾಗಿದೆ.
ಸಮರ್ಥ ಚಿತ್ರದ ನಟಿ ರಚನಾ ಹುಚ್ಚ ವೆಂಕಟ್ ಮಾಜಿ ಪ್ರೇಯಸಿ. ಇನ್ನು ಚಿತ್ರದಲ್ಲಿ ರಚನಾ ಅಶ್ಲೀಲ ಡೈಲಾಗ್ ಹೊಡೆದಿರುವುದಕ್ಕೆ ಆಕ್ರೋಶಗೊಂಡಿದ್ದ ಹುಚ್ಚಾ ವೆಂಕಟ್ ಅಭಿಮಾನಿಗಳು ರಚನಾ ಹಾಗೂ ಚಿತ್ರದ ನಟ ರವಿ ಸಿರೂರು ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದರು.
ಇದೀಗ ನಟಿ ರಚನಾ ಹಾಗೂ ರವಿ ಸಿರೂರು ಅವರು ಹುಚ್ಚ ವೆಂಕಟ್ ಅಭಿಮಾನಿಗಳ ವಿರುದ್ಧ ದೂರು ನೀಡಿರುವುದಾಗಿ ತಿಳಿದುಬಂದಿದೆ.
