ದಬಾಂಗ್ 3: ಸೋನಾಕ್ಷಿಗೆ ಕನ್ನಡ, ತಮಿಳು ಮತ್ತು ತೆಲುಗುನಲ್ಲಿ ನಟಿ ನಂದಿತಾ ಶ್ವೇತಾರಿಂದ ವಾಯ್ಸ್ ಡಬ್!

ಕಿಚ್ಚ ಸುದೀಪ್ ಅವರು ದಬಾಂಗ್ 3 ನಲ್ಲಿ ಸಲ್ಮಾನ್ ಖಾನ್ ಗೆ ಟಕ್ಕರ್ ಕೊಡುತ್ತಿದ್ದು ಇನ್ನು ಈ ಚಿತ್ರ ಹಿಂದಿ ಸೇರಿದಂತೆ ಹಲವು ಭಾಷೆಗಳಲ್ಲಿ ತೆರೆಕಾಣಲಿದೆ. 

ಇನ್ನು ಚಿತ್ರದಲ್ಲಿ ಸೋನಾಕ್ಷಿ ಸಿನ್ಹಾ ನಾಯಕಿ ಪಾತ್ರದಲ್ಲಿ ಅಭಿನಯಿಸಿದ್ದು ಕನ್ನಡ, ತೆಲುಗು ಮತ್ತು ತಮಿಳಿನಲ್ಲಿ ಸೋನಾಕ್ಷಿಗೆ ನಟಿ ನಂದಿತಾ ಶ್ವೇತಾ ವಾಯ್ಸ್ ಡಬ್ ಮಾಡಲಿದ್ದಾರೆ. 

29 ಚಿತ್ರಗಳಲ್ಲಿ ನಟಿಸಿರುವ ನಂದಿತಾ ಶ್ವೇತಾ ಅವರು ಇದೀಗ ಮೊದಲ ಬಾರಿಗೆ ಬೇರೆ ನಟಿಗೆ ವಾಯ್ಸ್ ಡಬ್ ಮಾಡುತ್ತಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಶ್ವೇತಾ ನನ್ನ ಚಿತ್ರಗಳಿಗೆ ವಾಯ್ಸ್ ಡಬ್ ಮಾಡಿದ್ದೆ. ಆದರೆ ಇದು ನನಗೆ ಹೊಸ ಅನುಭವ. ನನಗೆ ಈ ಅವಕಾಶ ನೀಡಿದ ನಿರ್ದೇಶಕ ಪ್ರಭುದೇವ ಅವರಿಗೆ ನಾನು ಧನ್ಯವಾದ ಹೇಳುತ್ತೇನೆ ಎಂದರು.