ಗಂಡುಗಲಿ ಮದಕರಿ ನಾಯಕ ಸಿನಿಮಾ ನಿರ್ದೇಶನದಲ್ಲಿ ತೊಡಗಿರುವ ನಿರ್ದೇಶಕ ರಾಜೇಂದ್ರ ಸಿಂಗ್ ಬಾಬು, ಮತ್ತೊಂದು ವಿನೂತನ ಸಿನಿಮಾವನ್ನು ಮಾಡಲು ನಿರ್ಧರಿಸಿದ್ದಾರೆ.
ಕನ್ನಡ-ಚೀನೀ ಭಾಷೆಯಲ್ಲಿ ಸಿನಿಮಾ ನಿರ್ದೇಶನ ಹಾಗೂ ನಿರ್ಮಾಣ ಮಾಡಲು ರಾಜೇಂದ್ರ ಸಿಂಗ್ ಬಾಬು ತಯಾರಿ ನಡೆಸಿದ್ದಾರೆ. ಈ ಬಗ್ಗೆ ಅವರೇ ಸ್ವತಃ ಮಾಹಿತಿ ನೀಡಿದ್ದು, ಚೀನಾ ನಿರ್ಮಾಣ ಸಂಸ್ಥೆಯ ಸಹ ನಿರ್ಮಾಣದಲ್ಲಿ ಕನ್ನಡ-ಚೀನಿ ಭಾಷೆಯ ಸಿನಿಮಾ ಭಾರತದಲ್ಲಿ ಚಿತ್ರೀಕರಣವಾಗಲಿದೆ ಎಂದು ಹೇಳಿದ್ದಾರೆ.
ನನ್ನ ಸ್ನೇಹಿತ ಹಾಗೂ ಶಾಸಕ ಮೋಹನ್ ಕೊಂಡಜ್ಜಿ ಅವರ ಮೂಲಕ ಈ ಸಿನಿಮಾ ತಂಡ ನನಗೆ ಪರಿಚಯವಾಗಿತ್ತು. ಕೆಲವೇ ದಿನಗಳ ಹಿಂದೆಯಷ್ಟೆ ಎಲ್ಲವೂ ಅಂತಿಮವಾಯಿತು. ಕನ್ನಡ-ಚೀನಿ ಸಿನಿಮಾಕ್ಕಾಗಿ ನಾನು ಚೀನಾಗೆ ತೆರಳಬೇಕಾಗುತ್ತದೆ, ಚೀನಾ ಹಾಗೂ ಕರ್ನಾಟಕದ ಕಲಾವಿದರು ಕನ್ನಡ-ಚೀನಿ ಸಿನಿಮಾದಲ್ಲಿ ನಟಿಸಲಿದ್ದಾರೆ.
ಚೀನಾದ ದೂತವಾಸ ಕರ್ನಾಟಕ-ಚೀನಾ ನಡುವಿನ ಸಾಂಸ್ಕೃತಿಕ ಸಂಬಂಧವನ್ನು ಗಟ್ಟಿಗೊಳಿಸುವ ಉದ್ದೇಶಹೊಂದಿದೆ. ಸಿನಿಮಾ ಯೋಜನೆಯನ್ನು ಸಂಪೂರ್ಣವಾಗಿ ಒಪ್ಪಿಕೊಳ್ಳುವುದಕ್ಕೂ ಮುನ್ನ ಕೆಲವು ಸ್ರಿಪ್ಟ್ ಸಂಬಂಧಿತ ಕೆಲಸಗಳಿವೆ ಅದು ಪೂರ್ಣಗೊಂಡ ನಂತರ ಪೂರ್ಣವಾಗಿ ಸಿನಿಮಾ ಯೋಜನೆ ಕೈಗೆತ್ತಿಕೊಳ್ಳಲಾಗುತ್ತದೆ ಎಂದು ರಾಜೇಂದ್ರ ಸಿಂಗ್ ಬಾಬು ಹೇಳಿದ್ದಾರೆ.
