ನಾಗಶೇಖರ್ ಮುಂದಿನ ಸಿನಿಮಾ ಸಂಜು ಅಲಿಯಾಸ್ ಸಂಜು

ಅಭಿಷೇಕ್ ಅಂಬರೀಷ್ ನಟನೆಯ ಅಮರ್ ಚಿತ್ರ ನಿರ್ದೇಶಕ ನಾಗಶೇಖರ್  ಮುಂದಿನ ಸಿನಿಮಾ ಘೋಷಿಸಿದ್ದಾರೆ,  ಸಂಜಯ್ ಅಲಿಯಾಸ್ ಸಂಜು ನಾಗಶೇಖರ್ ಅವರ ಮುಂದಿನ ಸಿನಿಮಾವಾಗಿದೆ.

ಚಿತ್ರದ ಟೈಟಲ್ ಕೂಡ ಅನೌನ್ಸ್ ಮಾಡಿದ್ದಾರೆ. ಹೌದು, ನಾಗಶೇಖರ್ ಹೊಸ ಚಿತ್ರಕ್ಕೆ 'ಸಂಜಯ್ ಅಲಿಯಾಸ್ ಸಂಜು' ಎಂದು ನಾಮಕರಣ ಮಾಡಿದ್ದಾರೆ. 

ಚಿತ್ರದ ಟೈಟಲ್ ಮತ್ತು ರಕ್ತಸಿಕ್ತವಾದ ಪೋಸ್ಟರ್ ಬ್ಯಾಗ್ರೌಂಡ್ ಮತ್ತು ಬೇಡಿ ಹಾಕಿದ ಕೈ ನೋಡುತ್ತಿದ್ರೆ ಇದೊಂದು ಕ್ರೈಮ್ ಆಧಾರಿತ ಚಿತ್ರ ಎನ್ನುವುದು ಗೊತ್ತಾಗುತ್ತಿದೆ.

ಸಂಜಯ್ ಅಲಿಯಾಸ್ ಸಂಜು' ಸಿನಿಮಾ ನೈಜ ಘಟನೆ ಆಧಾರಿತ ಸಿನಿಮಾವಂತೆ. ನಾಗಶೇಖರ್ ನಿರ್ದೇಶಕ ಬಹುತೇಕ ಚಿತ್ರಗಳು ನೈಜ ಘಟನೆ ಆಧಾರಿತ ಚಿತ್ರಗಳಾಗಿವೆ. 'ಅಮರ್' ಸಿನಿಮಾ ಕೂಡ ಸತ್ಯ ಘಟನೆ ಆಧಾರಿತ ಚಿತ್ರವೆಂದು ಹೇಳಿದ್ದಾರೆ ನಾಗಶೇಖರ್.

'ಸಂಜಯ್ ಅಲಿಯಾಸ್ ಸಂಜು' ಸಿನಿಮಾ ಸಂಜು ವೆಡ್ಸ್ ಗೀತಾ' ಚಿತ್ರದ ಪಾರ್ಟ್-2 ಇರಬಹುದಾ ಎನ್ನುವ ಅನುಮಾನ ಕೂಡ ಅನೇಕರನ್ನು ಕಾಡುತ್ತಿದೆ. ಆದ್ರೆ ಸದ್ಯ ಟೈಟಲ್ ಪೋಸ್ಟರ್ ಮಾತ್ರ ರಿವೀಲ್ ಮಾಡಿರುವ ನಾಗಶೇಖರ್ ಹೆಚ್ಚಿನ ಮಾಹಿತಿಯನ್ನು ಬಿಟ್ಟುಕೊಟ್ಟಿಲ್ಲ.