ಕೆಜಿಎಫ್-2: ರವೀನಾ ಟಂಡನ್ ಖಡಕ್ ಲುಕ್ ಬಹಿರಂಗ

ಪ್ರೇಕ್ಷಕರಲ್ಲಿ ಭಾರೀ ನಿರೀಕ್ಷೆಗಳನ್ನು ಹುಟ್ಟುಹಾಕಿರುವ ಕೆಜಿಎಫ್-2 ನಲ್ಲಿ ರವೀನಾ ಟಂಡನ್ ಯಾವ ಪಾತ್ರದಲ್ಲಿ ನಟಿಸಲಿದ್ದಾರೆಂಬ ಕುತೂಹಲಕ್ಕೆ ಇಂದು ತೆರೆ ಬಿದ್ದಿದೆ. 

ಇಷ್ಟೂ ದಿನ ರವೀನಾ ಟಂಡನ್ ಅವರ ಪಾತ್ರದ ಕುರಿತು ಗುಟ್ಟು ಬಿಟ್ಟುಕೊಡದ ಚಿತ್ರ ತಂಡ ಇದೀಗ ಪೋಸ್ಟರ್ ವೊಂದನ್ನು ಬಿಡುಗಡೆ ಮಾಡುವ ಮೂಲಕ ಪ್ರೇಕ್ಷಕರ ಕುತೂಹಲಗಳನ್ನು ದೂರ ಮಾಡಿದ್ದಾರೆ. 

ರವೀನಾ ಟಂಡನ್ ಅವರ ಜನ್ಮದಿನ ಹಿನ್ನೆಲೆಯಲ್ಲಿ ಶುಭಾಶಯ ಕೋರಿರುವ ಕೆಜಿಎಫ್-2 ಚಿತ್ರತಂಡ ಈ ಫಸ್ಟ್ ಲುಕ್ ಬಿಡುಗಡೆ ಮಾಡಿದೆ. 

ಪೋಸ್ಟರ್ ನಲ್ಲಿ ರವೀನಾ ಅವರು ಚಿತ್ರದಲ್ಲಿ ರಮಿತಾ ಸೇನಾ ಪಾತ್ರ ಮಾಡುತ್ತಿದ್ದಾರೆಂದು ಹೇಳಲಾಗುತ್ತಿದೆ. ಪೋಸ್ಟರ್ ನಲ್ಲಿ ರವೀನಾ ಅವರು ಪಾರ್ಲಿಮೆಂಟ್'ನಲ್ಲಿ ಕುಳಿತಿರುವುದು ಕಂಡು ಬಂದಿದ್ದು, ಪೋಸ್ಟರ್ ನಲ್ಲಿ ರವೀನಾ ಅವರು ಅತ್ಯಂತ ಗಂಭೀರವಾಗಿ ಕಾಣುತ್ತಿದ್ದಾರೆ.