'ಮಾಯಾ ಬಜಾರ್' ರಾಧಾಕೃಷ್ಣ ರೆಡ್ಡಿ ನಿರ್ದೇಶನಲ್ಲಿ ಕನ್ನಡ-ತೆಲುಗು ದ್ವಿಭಾಷಾ ಸಿನಿಮಾ

2016 ರಲ್ಲಿ ಪುನೀತ್ ರಾಜ್ ಕುಮಾರ್ ಅವರ ಪಿಆರ್ ಕೆ ಬ್ಯಾನರ್ ಅಡಿಯಲ್ಲಿ ತಯಾರಾದ ಮಾಯಾ ಬಜಾರ್ ಸಿನಿಮಾವನ್ನು ರಾಧಾಕೃಷ್ಣ ರೆಡ್ಡಿ ನಿರ್ದೇಶನ ಮಾಡಿದ್ದರು.

ಇದೇ ನಿರ್ದೇಶಕರು ಈಗ ನಿರ್ಮಾಪಕ ಸಾಯಿ ಕೊರ್ರಪತಿ ಅವರ ಬ್ಯಾನರ್ - ವಾರಾಹಿ ಚಲನ ಚಿತ್ರಂ ಜೊತೆಗೆ ಕನ್ನಡ-ತೆಲುಗು ದ್ವಿಭಾಷೆಯಲ್ಲಿ ಸಿನಿಮಾಗಾಗಿ ರಾಧಾಕೃಷ್ಣ ಮುಂದಾಗಿದ್ದಾರೆ.

ಈ ಯೋಜನೆಯನ್ನು ಖಚಿತಪಡಿಸಿರುವ ನಿರ್ದೇಶಕ ರಾಧಾಕೃಷ್ಣ ಅವರು, ಇತ್ತೀಚೆಗೆ ನಿರ್ಮಾಪಕರನ್ನು ಭೇಟಿಯಾಗಿ ಮಾತನಾಡಿದ್ದಾರೆ.  ನಿರ್ಮಾಪಕರು ಗ್ರೀನ್ ಸಿಗ್ನಲ್ ನೀಡಿದ್ದಾರೆ ಎಂದು ತಿಳಿಸಿದ್ದಾರೆ. ನಿರ್ಮಾಪಕರು ಕೆಲವು ಸುತ್ತಿನ ಚರ್ಚೆಗಳನ್ನು ನಡೆಸಿದ್ದು ಆರಂಭಿಕ ಮಾತುಕತೆಯ ಪ್ರಕಾರ, ನಾವು ನವೆಂಬರ್‌ನಲ್ಲಿ ಈ ಸಿನಿಮಾ ಪ್ರಾರಂಭಿಸಲು ಬಯಸುತ್ತೇವೆ ಎಂದು ರಾಧಾಕೃಷ್ಣ  ಹೇಳಿದ್ದಾರೆ.

ಇದು ದೊಡ್ಡ ಬಜೆಟ್ ಸಿನಿಮಾವಾಗಿದ್ದು ಕಮರ್ಷಿಯಲ್ ಎಂಟರ್ನೈಮೆಂಟ್ ಸಿನಿಮಾವಾಗಿದೆ, ಶೀಘ್ರದಲ್ಲೆ ಕಲಾವಿದರು ಮತ್ತು ಉಳಿದ ತಂತ್ರಜ್ಞರ ಬಗ್ಗೆ ಮಾಹಿತಿ ನೀಡಲಾಗುವುದು ಎಂದು ಹೇಳಿದ್ದಾರೆ.