ರಜಿನಿಕಾಂತ್ ಅವರಿಂದ ಮಗಳು ಸೌಂದರ್ಯಾರ ಧ್ವನಿಯಾಧಾರಿತ ಸೋಷಿಯಲ್ ಮೀಡಿಯಾ ಆಪ್ ನಾಳೆ ಬಿಡುಗಡೆ

ಚೆನ್ನೈ: ಅಕ್ಟೋಬರ್ 25 ಸೂಪರ್ ಸ್ಟಾರ್ ರಜಿನಿಕಾಂತ್ ಅವರ ಪಾಲಿಗೆ ಎರಡು ಬಗೆಯಲ್ಲಿ ವಿಶೇಷ ಎಂದು ಅವರೇ ಹೇಳಿಕೊಂಡಿದ್ದಾರೆ. 2020ರ ದಾದಾ ಫಾಲ್ಕೆ ಪ್ರಶಸ್ತಿಯನ್ನು ಅಂದು ಅವರು ಸ್ವೀಕರಿಸಲಿದ್ದಾರೆ. ಅದೇ ದಿನ ಮಗಳು ಸೌಂದರ್ಯಾ ಅವರ ಧ್ವನಿಯಾಧಾರಿತ ಸೋಷಿಯಲ್ ಮೀಡಿಯಾ ಆಪ್ Hoote ಅನ್ನು ರಜಿನಿಕಾಂತ್ ಬಿಡುಗಡೆಗೊಳಿಸಲಿದ್ದಾರೆ. 

ಇದನ್ನೂ ಓದಿ: ರಜನಿಕಾಂತ್ ನಟನೆಯ ಅಣ್ಣಾತ್ತೆ ಸಿನಿಮಾ ಫಸ್ಟ್ ಲುಕ್ ರಿಲೀಸ್: 'ತಲೈವಾ' ಸ್ಟೈಲ್ ಗೆ ಅಭಿಮಾನಿಗಳು ಫಿದಾ!

ಸೌಂದರ್ಯ ರಜಿನಿಕಾಂತ್ ಅವರ ನೂತನ ಸೋಷಿಯಲ್ ಮೀಡಿಯಾ ಆಪ್ ಹಲವು ಬಗೆಯಲ್ಲಿ ವಿಶೇಷವಾಗಿದ್ದು, ಹಲವರಿಗೆ ಅದರಿಂದ ಪ್ರಯೋಜನವಾಗಲಿದೆ ಎಂದು ರಜಿನಿಕಾಂತ್ ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ: ಇದೇ ಅಂತಿಮ ನಿರ್ಧಾರ, ಮತ್ತೆಂದು ರಾಜಕೀಯಕ್ಕೆ ಬರುವುದಿಲ್ಲ: ರಜನಿಕಾಂತ್ ಸ್ಪಷ್ಟನೆ

ದಾದಾ ಫಾಲ್ಕೆ ಪ್ರಶಸ್ತಿ ಸ್ವೀಕರಿಸಲು ಇಂದು ದೆಹಲಿಗೆ ತೆರಳಿರುವ ರಜಿನಿಕಾಂತ್ ಭಾರತ ಸರ್ಕಾರ ತಮಗೆ ಈ ಅತ್ಯುನ್ನತ ಗೌರವ ನೀಡಲು ಜನರು ತಮ್ಮ ಮೇಲಿಟ್ಟಿರುವ ಪ್ರೀತಿ ಅಭಿಮಾನವೇ ಕಾರಣ ಎಂದು ರಜಿನಿ ಇದೇ ಸಂದರ್ಭದಲ್ಲಿ ಹೇಳಿದ್ದಾರೆ.

ಇದನ್ನೂ ಓದಿ: ಸೂಪರ್ ಸ್ಟಾರ್ ರಜನಿಕಾಂತ್‌ಗೆ ಈ ಮೊದಲೇ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ ದೊರೆಯಬೇಕಿತ್ತು: ಕಾಂಗ್ರೆಸ್‌