ಹೈದರಾಬಾದ್: ಅಲ್ಲು ಅರ್ಜುನ್- ರಶ್ಮಿಕಾ ಮಂದಣ್ಣ ಅಭಿನಯದ 'ಪುಷ್ಪ- ದಿ ರೈಸ್' ತೆಲುಗು ಸಿನಿಮಾದಲ್ಲಿನ ಡ್ಯಾನ್ ನಂಬರ್ ವಿವಾದಕ್ಕೆ ಗುರಿಯಾಗಿದೆ. ನಟಿ ಸಮಂತಾ ಹೆಜ್ಜೆ ಹಾಕಿದ್ದ ಈ ಡ್ಯಾನ್ಸ್ ನಂಬರ್ ವಿರುದ್ಧ ಪುರುಷರ ಸಂಘ ಕೋರ್ಟ್ ಮೆಟ್ಟಿಲೇರಿದೆ.
ಇತ್ತೀಚಿಗಷ್ಟೆ ಬಿಡುಗಡೆಯಾಗಿದ್ದ 'ಓ ಅಂತವಾ' ಹಾಡಿನಲ್ಲಿ ಪುರುಷರು ಎಂದರೆ ಕೇವಲ ಕಾಮದ ಹಿಂದೆ ಬೀಳುವವರು ಎನ್ನುವ ಅರ್ಥದ ಸಾಲುಗಳಿವೆ ಎನ್ನುವ ಆರೋಪ ಕೇಳಿಬಂದಿತ್ತು. ಪುರುಷರಿಗೆ ಅವಹೇಳನ ಉಂಟುಮಾಡುವ ಈ ಹಾಡನ್ನು ನಿಷೇಧಿಸುವಂತೆ ಕೋರಿ ಆಂಧ್ರ ಪುರುಷರ ಸಂಘ ನ್ಯಾಯಾಲಯದ ಮೆಟ್ಟಿಲೇರಿದೆ.
ನಟಿ ಸಮಂತಾ ಇತ್ತೀಚಿಗಷ್ಟೆ ತಾವು ಪತಿ ನಾಗಚೈತನ್ಯರಿಂದ ದೂರವಾಗುತ್ತಿರುವುದಾಗಿ ಬಹಿರಂಗಪಡಿಸಿದ್ದರು. ಈ ತಾರಾದಂಪತಿಯ ವಿಚ್ಚೇದನ ಸುದ್ದಿ ಎಲ್ಲೆಡೆ ಚರ್ಚೆಗೆ ಗ್ರಾಸವಾಗಿತ್ತು. ಅದರ ಬೆನ್ನಲ್ಲೇ ಸಮಂತಾ ನಟಿಸಿದ ಹಾಡು ವಿವಾದಕ್ಕೆ ಕಾರಣವಾಗಿರುವುದು ವಿಪರ್ಯಾಸ.
Advertisement