'ಟಾಮ್ ಅಂಡ್ ಜೆರ್ರಿ' ನಾಯಕಿ ಪಾತ್ರ ನಿಜಜೀವನದಲ್ಲಿ ನನ್ನನ್ನು ಹೋಲುತ್ತದೆ: ಚೈತ್ರಾ ರಾವ್

ಕಿರುತೆರೆಯಲ್ಲಿ ಹೆಸರು ಮಾಡಿದ್ದ ಚೈತ್ರಾ ರಾವ್ 2016ರಲ್ಲಿ ತೆರೆಕಂಡಿದ್ದ ಮಾಯಾಬಜಾರ್ ಸಿನಿಮಾ ಮೂಲಕ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡಿದ್ದರು. ಆ ಸಿನಿಮಾದಲ್ಲಿ ವಸಿಷ್ಠ ಸಿಂಹ ಅವರ ಜೋಡಿಯಾಗಿ ಚೈತ್ರಾ ರಾವ್ ನೀಡಿದ್ದ ಅಭಿನಯ ಪ್ರೇಕ್ಷಕರ ಮನಸೂರೆಗೊಂಡಿತ್ತು.
ನಿಶ್ಚಿತ್, ಚೈತ್ರಾ ರಾವ್
ನಿಶ್ಚಿತ್, ಚೈತ್ರಾ ರಾವ್

ಬೆಂಗಳೂರು: ರಾಘವ್ ವಿನಯ್ ಶಿವಗಂಗೆ ನಿರ್ದೇಶನದ ಹೊಸ ಕನ್ನಡ ಸಿನಿಮಾ ಟಾಮ್ ಅಂಡ್ ಜೆರ್ರಿ ನಾಯಕಿ ಚೈತ್ರಾ ರಾವ್ ಅವರು ತಮ್ಮ ಪಾತ್ರ ನಿಜ ಜೀವನಕ್ಕೆ ಹತ್ತಿರವಾಗಿದೆ ಎಂದಿದ್ದಾರೆ. ಫ್ರೆಂಡ್ ಶಿಪ್ ಕುರಿತಾದ ಈ ಸಿನಿಮಾಗೆ ಟಾಂ ಅಂಡ್ ಜೆರ್ರಿ ಎನ್ನುವ ಹೆಸರೇ ಸೂಕ್ತ ಎಂಬ ನಿರ್ಧಾರಕ್ಕೆ ಬಂದಿದ್ದು ನಿರ್ದೇಶಕ ರಾಘವ್ ವಿನಯ್ ಶಿವಗಂಗೆ. 

ಕಿರುತೆರೆಯಲ್ಲಿ ಹೆಸರು ಮಾಡಿದ್ದ ಚೈತ್ರಾ ರಾವ್ 2016ರಲ್ಲಿ ತೆರೆಕಂಡಿದ್ದ ಮಾಯಾಬಜಾರ್ ಸಿನಿಮಾ ಮೂಲಕ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡಿದ್ದರು. ಆ ಸಿನಿಮಾದಲ್ಲಿ ವಸಿಷ್ಠ ಸಿಂಹ ಅವರ ಜೋಡಿಯಾಗಿ ಚೈತ್ರಾ ರಾವ್ ನೀಡಿದ್ದ ಅಭಿನಯ ಪ್ರೇಕ್ಷಕರ ಮನಸೂರೆಗೊಂಡಿತ್ತು.

ಇದೀಗ ಟಾಮ್ ಅಂಡ್ ಜೆರ್ರಿ ಮೂಲಕ ಹೀರೊಯಿನ್ ಆಗಿರುವ ಚತ್ರಾ ರಾವ್ ತಮ್ಮ ಪಾತ್ರದ ಕುರಿತು ಮಾಹಿತಿ ಹಂಚಿಕೊಂಡಿದ್ದಾರೆ. ಸತ್ಯಾ ಎನ್ನುವ ಹೆಸರಿನ ಪಾತ್ರವನ್ನು ನಿರ್ವಹಿಸುತ್ತಿರುವ ಚೈತ್ರಾ, ಆ ಪಾತ್ರ ಸ್ವೇಚ್ಛೆಯನ್ನು ಇಷ್ಟಪಡುವ, ಸ್ವತಂತ್ರವಾಗಿರಲು ಬಯಸುತ್ತದೆ ಎಂದಿದ್ದಾರೆ. 

<strong>ಚೈತ್ರಾ ರಾವ್</strong>
ಚೈತ್ರಾ ರಾವ್

ಸಮಾಜದ ಕಟ್ಟುಪಾಡುಗಳು ಅವಳಿಗಿಷ್ಟವಾಗದು. ಅದು ಕಾಲ್ಪನಿಕ ಪಾತ್ರವಾದರೂ ಅನೇಕ ವಿಧಗಳಲ್ಲಿ ಆ ಪಾತ್ರ ತನ್ನನ್ನೇ ಹೋಲುತ್ತದೆ ಎನ್ನುವುದು ಅವರ ನಂಬಿಕೆ. ರಾಜು ಶೇರೆಗಾರ್ ನಿರ್ಮಾಣ ಮಾಡುತ್ತಿರುವ ಈ ಸಿನಿಮಾದಲ್ಲಿ ಗಂಟು ಮೂಟೆ ಸಿನಿಮಾ ಖ್ಯಾತಿಯ ನಿಶ್ಚಿತ್ ನಾಯಕರಾಗಿ ನಟಿಸಿದ್ದಾರೆ. ಟಾಮ್ ಅಂಡ್ ಜೆರ್ರಿ ಸಿನಿಮಾ ನವೆಂಬರ್ 12ರಂದು ತೆರೆ ಕಾಣುತ್ತಿದೆ. 

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com