ಸಿಡ್ನಿ: ಜುರಾಸಿಕ್ ಪಾರ್ಕ್ ಮತ್ತು ದಿ ಪಿಯಾನೋ ಸಿನಿಮಾದಲ್ಲಿನ ತನ್ನ ಪಾತ್ರದಿಂದ ಹೆಸರುವಾಸಿಯಾಗಿದ್ದ ನ್ಯೂಜಿಲೆಂಡ್ ನ ಹಿರಿಯ ನಟ ಸ್ಯಾಮ್ ನೀಲ್ ಸೋಮವಾರ ಹಠಾತ್ ನಿಧನರಾಗಿದ್ದಾರೆ. ಅವರಿಗೆ 78 ವರ್ಷ ವಯಸ್ಸಾಗಿತ್ತು.
ನೀಲ್ ಅವರ ಸಾಮಾಜಿಕ ಮಾಧ್ಯಮ ಖಾತೆಗಳಲ್ಲಿ ಈ ಕುರಿತು ಫೋಸ್ಟ್ ಮಾಡಲಾಗಿದ್ದು, ಅನಿರೀಕ್ಷಿತ, ಹಠಾತ್ ಆಗಿ ಸಾವನ್ನಪ್ಪಿರುವುದಾಗಿ ಅವರು ಕುಟುಂಬಸ್ಥರು ಖಚಿತಪಡಿಸಿದ್ದಾರೆ.
ಸ್ಯಾಮ್ ನೀಲ್ ಅವರು 2022ರಲ್ಲಿ ಅಪರೂಪದ ರಕ್ತದ ಕ್ಯಾನ್ಸರ್ ರೋಗಕ್ಕೆ ತುತ್ತಾಗಿದ್ದರು. ಅದಕ್ಕಾಗಿ ಚಿಕಿತ್ಸೆ ಪಡೆಯುತ್ತಿರುವುದಾಗಿ 2023ರಲ್ಲಿ ಬಹಿರಂಗಪಡಿಸಿದ್ದರು. ಆದರೆ, ಅವರು ಮರಣ ಹೊಂದುವ ಸಂದರ್ಭದಲ್ಲಿ ಕ್ಯಾನ್ಸರ್ ನಿಂದ ಸಂಪೂರ್ಣವಾಗಿ ಮುಕ್ತರಾಗಿದ್ದರು ಎಂದು ಕುಟುಂಬಸ್ಥರು ಸ್ಪಷ್ಪಪಡಿಸಿದ್ದಾರೆ.
ಸ್ಯಾಮ್ ನೀಲ್ ಅವರ ನಿಧನಕ್ಕೆ ಆಸ್ಟ್ರೇಲಿಯಾದ ಪ್ರಧಾನಿ ಆಂಥೋನಿ ಅಲ್ಬನೀಸ್ ಸೇರಿದಂತೆ ಹಲವು ಗಣ್ಯರು ಸಾಮಾಜಿಕ ಜಾಲತಾಣಗಳ ಮೂಲಕ ಸಂತಾಪ ಸೂಚಿಸಿದ್ದಾರೆ.
ಸೆಪ್ಟೆಂಬರ್ 14, 1947 ರಲ್ಲಿ ಉತ್ತರ ಐರ್ಲೆಂಡ್ ನಲ್ಲಿ ಜನಿಸಿದ ಸ್ಯಾಮ್ ನೀಲನ್, ನಟನೆಯತ್ತ ಆಕರ್ಷಿತರಾಗಿ ರಂಗಭೂಮಿ ಸೇರಿದರು. 1993ರಲ್ಲಿ ತೆರೆ ಕಂಡ ಬ್ಲಾಕ್ ಬಸ್ಟರ್ ಸಿನಿಮಾ ಜುರಾಸಿಕ್ ಪಾರ್ಕ್ ಮತ್ತು ದಿ ಪಿಯಾನೋ ಅವರನ್ನು ಜಾಗತಿಕ ತಾರೆಯನ್ನಾಗಿ ಮಾಡಿದ್ದವು.
