ನವದೆಹಲಿ: ವಿವಾದದಿಂದಾಗಿ ಸದಾ ಸುದ್ದಿಯಲ್ಲಿರುವ ವೆಸ್ಟ್ಇಂಡೀಸ್ನ ದೈತ್ಯ ಕ್ರಿಕೆಟಿಗ ಹಾಗೂ ಆರ್ಸಿಬಿಯ ಆರಂಭಿಕ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ ಐಪಿಎಲ್ ಮುಕ್ತಾಯಗೊಂಡ ಹಿನ್ನೆಲೆಯಲ್ಲಿ ಸ್ವದೇಶ ವೆಸ್ಟ್ಇಂಡೀಸ್ಗೆ ಹೊರಟಿದ್ದಾರೆ. ಇದಕ್ಕೂ ಮುನ್ನ ಆರ್ಸಿಬಿ ತಂಡದ ನಾಯಕ ವಿರಾಟ್ ಕೊಹ್ಲಿ, ಸಹ ಆಟಗಾರ ಎಬಿ ಡಿವಿಲಿಯರ್ಸ್ ಹಾಗೂ ಸನ್ರೈಸರ್ಸ್ ಹೈದರಾಬಾದ್ ತಂಡದ ಆಟಗಾರ ಯುವರಾಜ್ ಸಿಂಗ್ ಅವರಿಗೆ ವಿಶೇಷವಾದ ಉಡುಗೊರೆ ನೀಡಿದ್ದಾರೆ.
ಸ್ವತಃ ಗೇಲ್ ಬರೆದಿರುವ ‘ಸಿಕ್ಸ್ ಮಶಿನ್, ಐ ಡೊಂಟ್ ಲೈಕ್ ಕ್ರಿಕೆಟ್,ಐ ಲವ್ ಇಟ್’ ಎಂಬ ಪುಸ್ತಕವನ್ನು ಕೊಹ್ಲಿ, ಎಬಿಡಿ ಹಾಗೂ ಯುವಿಗೆ ನೀಡಿ ಹರ್ಷವ್ಯಕ್ತಪಡಿಸಿದ್ದಾರೆ. ಈ ಸಂದರ್ಭದಲ್ಲಿ ಭಾರತದ ಬಗ್ಗೆ ಹಾಗೂ ಐಪಿಎಲ್ ಒದಗಿಸಿದ ಅವಕಾಶಗಳ ಬಗ್ಗೆ ಮೆಚ್ಚುಗೆಯ ಮಾತಗಳನ್ನು ಆಡಿದ್ದಾರೆ. ಈ ಪೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಗೇಲ್ ಶೇರ್ ಮಾಡುವ ಮೂಲಕ ತಮ್ಮ ಸ್ನೇಹ ಯಾವರೀತಿ ಗಟ್ಟಿಯಾದದ್ದು ಎನ್ನುವುದನ್ನು ಸಾರಿದ್ದಾರೆ.
ಈ ಪುಸ್ತಕ ಕ್ರಿಸ್ ಗೇಲ್ ಅವರ ಕ್ರಿಕೆಟ್ ಬದುಕಿನ ಹಲವು ಮಜಲುಗಳನ್ನು ಅನಾವರಣ ಮಾಡುತ್ತದೆ. ಐಪಿಎಲ್ ಫೈನಲ್ ಪಂದ್ಯದಲ್ಲಿ ಗೇಲ್ ಕೇವಲ 38 ಎಸೆತಗಳಲ್ಲಿ 76 ರನ್ ಸಿಡಿಸುವ ಮೂಲಕ ಅಭಿಮಾನಿಗಳಿಗೆ ರಸದೌತಣ ನೀಡಿದ್ದರು.
Advertisement