ತವರಿನಲ್ಲಿ ಅಜೇಯ ದಾಖಲೆ ಸಮಗಟ್ಟಿದ ಟೀಂ ಇಂಡಿಯಾ

ಇಂಗ್ಲೆಂಡ್ ವಿರುದ್ಧದ ದ್ವಿತೀಯ ಟೆಸ್ಟ್ ಗೆಲುವಿನೊಂದಿಗೆ ಟೀಂ ಇಂಡಿಯಾ ತವರಿನಲ್ಲಿ ಅಜೇಯ ದಾಖಲೆಯನ್ನು ಸಮಗಟ್ಟಿದೆ.

2012ರ ಡಿಸೆಂಬರ್ ನಲ್ಲಿ ನಾಗ್ಪುರದಲ್ಲಿ ಇಂಗ್ಲೆಂಡ್ ತಂಡದ ವಿರುದ್ಧ ಡ್ರಾ ಪಂದ್ಯದ ಮೂಲಕ ಭಾರತ ಆಡಿದ 16 ಟೆಸ್ಟ್ ಪಂದ್ಯಗಳಲ್ಲಿ ಅಜೇಯವಾಗುಳಿದಿದೆ. ಇದಕ್ಕೂ ಮುನ್ನ 1960-64ರಲ್ಲಿ 16 ಪಂದ್ಯಗಳಲ್ಲಿ ಅಜೇಯ ಸಾಧನೆ ಮಾಡಿತ್ತು.

ವಿಶಾಖಪಟ್ಟಣಂ ಪಂದ್ಯದ ಅಂತ್ಯಕ್ಕೆ 13 ಗೆಲುವು ಮತ್ತು 3 ಡ್ರಾ ಫಲಿತಾಂಶ ಕಂಡಿದೆ. 2013ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ 4-0 ಸರಣಿ ಜಯ, ಅದೇ ವರ್ಷ ವೆಸ್ಟ್ ಇಂಡೀಸ್ ವಿರುದ್ಧ 2-0 ಗೆಲುವು, ಕಳೆದ ವರ್ಷ ದಕ್ಷಿಣ ಆಫ್ರಿಕಾ ವಿರುದ್ಧದ 3-0ಯಿಂದ ಜಯಿಸಿದೆ.