ಅನುರಾಗ್ ಠಾಕೂರ್ ಸೇರಿ ಬಿಸಿಸಿಐ ವರಿಷ್ಠರ ವಜಾ ಮಾಡಿ: ಸುಪ್ರೀಂಗೆ ಲೋಧ ಸಮಿತಿ

ನವದೆಹಲಿ: ನ್ಯಾಯಮೂರ್ತಿ ಲೋಧ ಸಮಿತಿ ಶಿಫಾರಸ್ಸುಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ)ಗೆ ತರಾಟೆ ತೆಗೆದುಕೊಂಡಿದೆ. 

ಲೋಧ ಸಮಿತಿಯ ಶಿಫಾರಸ್ಸುಗಳನ್ನು ಪಾಲಿಸದ ಬಿಸಿಸಿಐ ಅಧ್ಯಕ್ಷ ಅನುರಾಗ್ ಠಾಕೂರ್ ಮತ್ತು ಕಾರ್ಯದರ್ಶಿನ ಅಜಯ್ ಶಿರ್ಕೆ ಸೇರಿದಂತೆ ಬಿಸಿಸಿಐನ ಉನ್ನತಾಧಿಕಾರಿಗಳನ್ನು ಸ್ಥಾನದಿಂದ ವಜಾಗೊಳಿಸುವಂತೆ ಸಮಿತಿ ಅರ್ಜಿ ಸಲ್ಲಿಸಿತ್ತು. ಈ ಅರ್ಜಿ ವಿಚಾರಣೆ ನಡೆಸಿದ ಸುಪ್ರೀಂಕೋರ್ಟ್ ಬಿಸಿಸಿಐಗೆ ಲೋಧ ಸಮಿತಿಯ ಶಿಫಾರಸ್ಸುಗಳನ್ನು ಪಾಲಿಸುವಂತೆ ಆದೇಶಿಸಿದೆ. 

ಕೋರ್ಟ್ ಮುಂದೆ ಲೋಧ ಸಮಿತಿಯು ನಾವು ಕಳುಹಿಸಿದ ಇಮೇಲ್ ಹಾಗೂ ಇನ್ನಿತ್ತರ ಯಾವುದೇ ಸಂಪರ್ಕ ಸಂವಹನಕ್ಕೆ ಬಿಸಿಸಿಐ ಪ್ರತಿಕ್ರಿಯಿಸಿದೆ ನ್ಯಾಯಾಲಯದ ಆಜ್ಞೆಯನ್ನು ಉಲ್ಲಂಘಿಸಿದೆ ಎಂದು ವಾದಿಸಿತು. ಇದಕ್ಕೆ ನ್ಯಾಯಮೂರ್ತಿ ಟಿಎಸ್ ಠಾಕೂರ್ ಅವರು ಲೋಧ ಸಮಿತಿ ಗಂಭೀರ ಆರೋಪಗಳನ್ನು ಮಾಡುತ್ತಿದ್ದು ಬಿಸಿಸಿಐ ಕೋರ್ಟ್ ನ ಆದೇಶವನ್ನು ಪಾಲಿಸಬೇಕು ಎಂದು ಹೇಳಿದ್ದಾರೆ. 

ಬಿಸಿಸಿಐ ತಮ್ಮದೆ ಕಾನೂನು ಎಂದು ಬಾವಿಸಿದರೆ ಅದು ತಪ್ಪು. ಕೋರ್ಟ್ ನ ಆದೇಶಗಳನ್ನು ಬಿಸಿಸಿಐ ಪಾಲಿಸಬೇಕು. ನೀವು (ಬಿಸಿಸಿಐ) ಧಣಿಗಳಂತೆ ವರ್ತಿಸಿದರೆ ನಾವು ನಿಮ್ಮನ್ನು ಸರಿ ದಾರಿಗೆ ತರಬೇಕಾಗುತ್ತದೆ ಎಂದು ನ್ಯಾಯಾಮೂರ್ತಿಗಳು ಹೇಳಿದ್ದಾರೆ.