ಟೀಂ ಇಂಡಿಯಾ ಏಕದಿನ ತಂಡದಲ್ಲಿ ಮಿಂಚು ಹರಿಸುತ್ತಿರುವ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಶ್ರೀಲಂಕಾ ವಿರುದ್ಧದ ಟೆಸ್ಟ್ ಸರಣಿ ಮೂಲಕ ಟೆಸ್ಟ್ ಕ್ರಿಕೆಟ್ ಬದುಕಿಗೆ ಪಾದಾರ್ಪಣೆ ಮಾಡುವ ಸಾಧ್ಯತೆ ಇದೆ.
ಶ್ರೀಲಂಕಾದ ಗಾಲೆಯಲ್ಲಿ ನಡೆಯುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಹಾರ್ದಿಕ್ ಪಾಂಡ್ಯ ಪಾದಾರ್ಪಣೆ ಮಾಡಲಿದ್ದಾರೆಯೇ? ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಇಂಥದೊಂದು ಸುಳಿವು ನೀಡಿದ್ದಾರೆ.
ಕಳೆದ ಬಾರಿ ಗಾಲೆಯಲ್ಲಿ ನಾವು ಒಬ್ಬ ಬ್ಯಾಟ್ಸ್ ಮನ್ ನ ಕೊರತೆ ಅನುಭವಿಸಿದ್ದೆವು. 5ನೇ ಸ್ಪೆಷಲಿಸ್ಟ್ ಬೌಲರ್ ಅಗತ್ಯವಿರಲಿಲ್ಲ. ಈ ಸಲವೂ ಇಂಥದೇ ಅವಕಾಶ ನಮ್ಮ ಮುಂದಿದೆ. ಆದರೆ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಅವರಿಂದಾಗಿ ತಂಡ ಹೆಚ್ಚಿನ ಸಮತೋಲನ ಸಾಧಿಸಲಿದೆ ಎಂದರು.
ಹಾರ್ದಿಕ್ ಪಾಂಡ್ಯ ವಿಕೆಟ್ ಉರುಳಿಸಬಲ್ಲ ಬೌಲರ್, ಯಾವುದೇ ಟ್ರ್ಯಾಕ್ ನಲ್ಲೂ ವಿಕೆಟ್ ಕೀಳಬಲ್ಲೆನೆಂದು ಸಾಧಿಸಿ ತೋರಿಸಿದ್ದಾರೆ. ಇನ್ನು ಬ್ಯಾಟಿಂಗ್ ನಲ್ಲಿ ಹಿಟ್ಟರ್ ಆಗಿ ಕಾಣಿಸಿದ್ದಾರೆ. ಅವರಲ್ಲಿ ಟೆಸ್ಟ್ ಆಡುವ ಉತ್ತಮ ಸಾಮರ್ಥ್ಯ ಹೊಂದಿದ್ದಾರೆ ಎಂದು ಕೊಹ್ಲಿ ಹೇಳಿದ್ದಾರೆ.
