ಟಾಸ್ ಸೋತರೂ ಬ್ಯಾಟಿಂಗ್ ಮಾಡುವ ಅವಕಾಶ ಪಡೆದ ಬಾಂಗ್ಲಾದೇಶ ತಂಡ ಆರಂಭಿಕ ಆಘಾತದ ಹೊರತಾಗಿಯೂ ಉತ್ತಮ ಬ್ಯಾಟಿಂಗ್ ನಡೆಸುತ್ತಿತ್ತು. ಇನ್ನಿಂಗ್ಸ್ ನ 25 ನೇ ಓವರ್ ವರೆಗೂ ಬಾಂಗ್ಲಾದೇಶ 5.68 ಸರಾಸರಿಯಲ್ಲಿ ಕೇವಲ 2 ವಿಕೆಟ್ ಗಳನ್ನುಕೆಳೆದುಕೊಂಡು ಭರ್ಜರಿ 142 ರನ್ ಕಲೆ ಹಾಕಿತ್ತು. ಈ ಹಂತದಲ್ಲಿ ಬೌಲಿಂಗ್ ನಲ್ಲಿ ಬದಲಾವಣೆ ತಂದ ನಾಯಕ ಕೊಹ್ಲಿ ಜಾದವ್ ಕೈಗೆ ಚೆಂಡನ್ನಿತ್ತರು. ಜಾದವ್ ಕೈಗೆ ಬಾಲ್ ಬಂದಿದ್ದೇ ತಡ ಬಾಂಗ್ಲಾದೇಶ ರನ್ ವೇಗಕ್ಕೆ ಕಡಿವಾಣ ಬಿತ್ತು. 1 ರಿಂದ 25ನೇ ಓವರ್ ವರೆಗೂ ಬಾಂಗ್ಲಾದೇಶ 5.68 ಸರಾಸರಿಯಲ್ಲಿ ರನ್ ಗಳಿಸಿದ್ದರೆ, 25ನೇ ಓವರ್ ನಿಂದ 50ನೇ ಓವರ್ ವರೆಗೂ ಬಾಂಗ್ಲಾದೇಶ ತಂಡ ಕೇವಲ 3.73ರ ಸರಾಸರಿಯಲ್ಲಿ 122 ರನ್ ಗಳಿಕೆ ಮಾಡಿತ್ತು.
