ಟೆಸ್ಟ್ ಕ್ರಿಕೆಟ್ ಗೆ 140 ವರ್ಷ ಹಿನ್ನೆಲೆ: ಗೂಗಲ್ ಡೂಡಲ್

ನವದೆಹಲಿ: ಟೆಸ್ಟ್ ಕ್ರಿಕೆಟ್ ಗೆ 140 ವರ್ಷ ತುಂಬಿದ ಹಿನ್ನೆಲೆಯಲ್ಲಿ ತಂತ್ರಜ್ಞಾನ ದೈತ್ಯ ಗೂಗಲ್ ರೇಖಾ ಚಿತ್ರ ನಮನ ಸಲ್ಲಿಸಿದೆ. 1877 ರಲ್ಲಿ ಮೊಟ್ಟ ಮೊದಲ ಬಾರಿಗೆ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ನಡುವೆ ಅಧಿಕೃತ ಪಂದ್ಯ ನಡೆಯಿತು. 

1877 ರ ಮಾರ್ಚ್ 15ರಂದು  ಆಸ್ಟ್ರೇಲಿಯದ ಮೆಲ್ಬರ್ನೋ ಮೈದಾನದಲ್ಲಿ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ನಡುವೆ ನಡೆದ ಟೆಸ್ಟ್ ಪಂದ್ಯ ಕ್ರಿಕೆಟ್ ನ ಇತಿಹಾಸದಲ್ಲಿ ಮೊದಲ ಪಂದ್ಯವಾಗಿ ಗುರುತಾಯಿತು. ಮೊಟ್ಟ ಮೊದಲ ಅಧಿಕೃತ ಕ್ರಿಕೆಟ್ ಪಂದ್ಯ ಎಂಬ ಹೆಗ್ಗಳಿಕೆ ಪಡೆದಿದ್ದ ಈ ಪಂದ್ಯದಲ್ಲಿ ಆಗಷ್ಟೆ ಕ್ರಿಕೆಟ್ ಕ್ಷೇತ್ರದಲ್ಲಿ ಅಂಬೆಗಾಲಿಡುತ್ತಿದ್ದ ಆಸ್ಟ್ರೇಲಿಯಾ ಅನುಭವಿ ಇಂಗ್ಲೆಂಡ್ ಅನ್ನು 45 ರನ್ ಗಳಿಂದ ಸೋಲಿಸಿ ದಾಖಲೆ ಬರೆಯಿತು.

ಆದರೆ ಅದೇ ಜಾಗದಲ್ಲಿ ನಡೆದ ಎರಡನೇ ಟೆಸ್ಟ್ ಪಂದ್ಯವನ್ನು ಗೆಲ್ಲುವ ಮೂಲಕ ಇಂಗ್ಲೆಂಡ್ ಸರಣಿಯನ್ನು ಡ್ರಾ ಮಾಡಿಕೊಂಡಿತ್ತು. ಅದರ ಗುರುತಾಗಿ ಇಂದು ಗೂಗಲ್ ತನ್ನ ಸೈಟ್ ನಲ್ಲಿ ಗೌರವ ರೇಖಾಚಿತ್ರ ನಮನ ಸಲ್ಲಿಸಿದೆ.