ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಅವರ ವಿಶೇಷ ದಾಖಲೆಯೊಂದನ್ನು ಭಾರತ ಅಂಡರ್ 19 ತಂಡದ ನಾಯಕ ಪೃಥ್ವಿ ಶಾ ಸರಿಗಟ್ಟಿದ್ದಾರೆ.
ಪೃಥ್ವಿ ಶಾ ತಮ್ಮ 19 ವಯೋಮಿತಿ ಕ್ರಿಕೆಟ್ ಜೀವನವನ್ನು ನಾಯಕನಾಗಿ ಶೇಕಡ 100ರಷ್ಟು ನಿರ್ವಹಣೆಯೊಂದಿಗೆ ಮುಗಿಸಿದ್ದು ಈ ಮೂಲಕ ವಿರಾಟ್ ಕೊಹ್ಲಿಯ ದಾಖಲೆಯನ್ನು ಮುರಿದಿದ್ದಾರೆ.
ಐಸಿಸಿ ಅಂಡರ್ 19 ವಿಶ್ವಕಪ್ ಪಂದ್ಯಾವಳಿಯಲ್ಲಿ 6 ಪಂದ್ಯಗಳನ್ನು ಆಡಿರುವ ಪೃಥ್ವಿ ಶಾ 65.25ರ ಸರಾಸರಿಯಲ್ಲಿ 261 ರನ್ ಗಳಿಸಿದ್ದಾರೆ. ಅದೇ ವಿರಾಟ್ ಕೊಹ್ಲಿ 6 ಪಂದ್ಯಗಳಿಂದ 47ರ ಸರಾಸರಿಯಲ್ಲಿ 235 ರನ್ ಗಳಿಸಿದ್ದರು.
ಅದಲ್ಲದೆ 19 ವಯೋಮಿತಿ ವಿಶ್ವಕಪ್ ಗೆದ್ದ ಅತೀ ಕಿರಿಯ ನಾಯಕ ಪೃಥ್ವಿ ಶಾ. 18 ವರ್ಷ 86ನೇ ದಿನದಲ್ಲಿ ಪೃಥ್ವಿ ಶಾ ಪ್ರಶಸ್ತಿ ಜಯಿಸುವ ಮೂಲಕ, ಆಸ್ಟ್ರೇಲಿಯಾ ಮಿಚೆಲ್ ಮಾರ್ಷ್(18 ವರ್ಷ, 102ದಿನ) ದಾಖಲೆಯನ್ನು ಹಿಂದೆ ಹಾಕಿದರು.
