ಇನ್ನು ತಂಡಕ್ಕೆ ತಲೆನೋವಾಗಿರುವ 3 ಮತ್ತು ನಾಲ್ಕನೇ ಕ್ರಮಾಂಕದ ಕುರಿತು ಮಾತನಾಡಿದ ಶಾಸ್ತ್ರಿ, ನಮಗೂ ಆ ಬಗ್ಗೆ ಚಿಂತೆ ಇದೆ. ಆದರೆ ಚೇತೇಶ್ವರ ಪೂಜಾರ 3ನೇ ಕ್ರಮಾಂಕದಲ್ಲಿ ಆಡುವುದರಿಂದ ಆ ಬಗ್ಗೆ ಹೆಚ್ಚಿನ ಒತ್ತಡವಿಲ್ಲ. ಪೂಜಾರ ಅನುಭವಿ ಆಟಗಾರನಾಗಿದ್ದು, ಫಾರ್ಮ್ ಗೆ ಮರಳಿರುವುದು ಖುಷಿಯ ವಿಚಾರ ಎಂದು ಹೇಳಿದರು. ಅಂತೆಯೇ ತಂಡದಲ್ಲಿ ಕೆಎಲ್ ರಾಹುಲ್ ಗೂ ಅವಕಾಶ ನೀಡುವ ಕುರಿತು ಪರೋಕ್ಷ ಮಾಹಿತಿ ನೀಡಿದ ಶಾಸ್ತ್ರಿ, ಮೂರನೇ ಆರಂಭಿಕ ಆಟಗಾರನಾಗಿ ರಾಹುಲ್ ರನ್ನು ಆಯ್ಕೆ ಮಾಡಲಾಗಿದೆ. ಆದರೆ ಆತನ ಯಾವುದೇ ಕ್ರಮಾಂಕಕ್ಕೆ ಹೊಂದಿಕೊಳ್ಳುವ ಸಾಮರ್ಥ್ಯ ತಂಡಕ್ಕೆ ಮತ್ತಷ್ಟು ಬಲ ತಂದಿದೆ ಎನ್ನುವ ಮೂಲಕ ಪೂಜಾರ ಮತ್ತು ರಾಹುಲ್ ಇಬ್ಬರಿಗೂ ತಂಡದಲ್ಲಿ ಅವಕಾಶ ನೀಡುವ ಕುರಿತು ರವಿಶಾಸ್ತ್ರಿ ಹೇಳಿದರು.
