ಅದು ಕುಂಬ್ಳೆ ವಿದಾಯ ಪಂದ್ಯ; ತಂಡದ ಬಸ್ ಅನ್ನು ಸ್ವತಃ ಎಂಎಸ್ ಧೋನಿ ಡ್ರೈವ್ ಮಾಡಿದ್ದರು: ವಿವಿಎಸ್ ಲಕ್ಷ್ಮಣ್

ನವದೆಹಲಿ: ಟೀಂ ಇಂಡಿಯಾದ ಮಾಜಿ ಕ್ರಿಕೆಟಿಗ ವಿವಿಎಸ್ ಲಕ್ಷ್ಮಣ್ ಅವರು ತಮ್ಮ ಆತ್ಮಕಥೆಯಲ್ಲಿ ಟೀಂ ಇಂಡಿಯಾ ಮಾಜಿ ನಾಯಕ ಎಂಎಸ್ ಧೋನಿ ಕುರಿತಂತೆ ಸಂಗತಿಯೊಂದನ್ನು ಬಿಚ್ಚಿಟ್ಟಿದ್ದಾರೆ. 

ಎಂಎಸ್ ಧೋನಿ ಟೀಂ ಇಂಡಿಯಾ ಆಟಗಾರರಿದ್ದ ಬಸ್ ಅನ್ನು ಸ್ವತಃ ತಾವೇ ಡ್ರೈವ್ ಮಾಡಿ ಕ್ರೀಡಾಂಗಣದಿಂದ ಹೋಟೆಲ್ ವರೆಗೂ ಕರೆದೊಯ್ದಿದ್ದರು ಎಂದು ವಿವಿಎಸ್ ಲಕ್ಷ್ಮಣ್ ಹೇಳಿದ್ದಾರೆ. 

ಲಕ್ಷ್ಮಣ್ ತಮ್ಮ ಆತ್ಮಕತೆ 281 ಆ್ಯಂಡ್ ಬಿಯಾಂಡ್ ನಲ್ಲಿ ಧೋನಿಯ ತಾಳ್ಮೆ, ಧೈರ್ಯ ಹಾಗೂ ಚತುರತೆಯ ಕುರಿತು ಹೊಗಳಿದ್ದು 2008ರಲ್ಲಿ ನಡೆದಿದ್ದ ಘಟನೆಯೊಂದನ್ನು ತಮ್ಮ ನೆನಪಿನ ಬುತ್ತಿಯಿಂದ ಬಿಚ್ಚಿಟ್ಟಿದ್ದಾರೆ. 

ಟೀಂ ಇಂಡಿಯಾದ ಕ್ರಿಕೆಟ್ ದಿಗ್ಗಜ ಅನಿಲ್ ಕುಂಬ್ಳೆ ಅವರು ಕ್ರಿಕೆಟ್ ಗೆ ವಿದಾಯ ಹೇಳಿದ ಕೊನೆಯ ಪಂದ್ಯ ಅದಾಗಿತ್ತು. ಅಲ್ಲದೆ ಅದು ನನ್ನ 100ನೇ ಟೆಸ್ಟ್ ಪಂದ್ಯ ಸಹ ಆಗಿತ್ತು. ಈ ವೇಳೆ ಮೈದಾನದಿಂದ ಹೊರ ಬಂದ ನಾವು ಟೀಂ ಇಂಡಿಯಾ ಬಸ್ ನಲ್ಲಿ ಕುಳಿತಿದ್ದೇವು. ಆಗ ಧೋನಿ ಬಸ್ ಅನ್ನು ಡ್ರೈವ್ ಮಾಡಿ ಹೋಟೆಲ್ ವರೆಗೂ ಕರೆದೊಯ್ದಿದ್ದರು. ಇದು ನನಗೆ ಮರೆಯಲಾಗದ ಕ್ಷಣ ಎಂದು ಆತ್ಮಕತೆಯಲ್ಲಿ ಲಕ್ಷ್ಮಣ್ ಬರೆದುಕೊಂಡಿದ್ದಾರೆ.