ಸೌಥಾಂಪ್ಟನ್: ಇಂಗ್ಲೆಂಡ್ ವಿರುದ್ಧದ ನಾಲ್ಕನೇ ಟೆಸ್ಟ್ ಪಂದ್ಯ ಸೋಲಿನೊಂದಿಗೆ ಟೆಸ್ಟ್ ಸರಣಿಯನ್ನು ಟೀಂ ಇಂಡಿಯಾ ಕೈಚೆಲ್ಲಿದ್ದು ಈ ನಡುವೆ ಸೋಲಿನ ಬೆನ್ನಲ್ಲೇ ಟೀಂ ಇಂಡಿಯಾದ ಕೆಎಲ್ ರಾಹುಲ್ ಮಾಡಿರುವ ಟ್ವೀಟ್ ಎಡವಟ್ಟಿಗೆ ಕಾರಣವಾಗಿದೆ.
ಭಾರತ ಸೋಲಿನ ಬೆನ್ನಲ್ಲೇ ಇದರ ಪರಿವೇ ಇಲ್ಲವೆಂಬಂತೆ ಕೆಎಲ್ ರಾಹುಲ್ ತಮ್ಮ ಸಹ ಆಟಗಾರ ಬರ್ತ್ ಡೇ ಬಾಯ್ ಇಶಾಂತ್ ಶರ್ಮಾಗೆ ಹುಟ್ಟುಹಬ್ಬದ ಶುಭಾಶಯವನ್ನು ಕೋರಿದ್ದರು.
ಟೀಂ ಇಂಡಿಯಾ ಬ್ಯಾಟ್ಸ್ ಮನ್ ಗಳ ಕಳಪೆ ಪ್ರದರ್ಶನದಿಂದಾಗಿ ಸಿಟ್ಟು ನೆತ್ತಿಗೇರಿದ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಕೆಎಲ್ ರಾಹುಲ್ ಮೇಲೆ ವಾಗ್ದಾಳಿ ನಡೆಸಿದ್ದಾರೆ.
ವಿದೇಶಿ ಪಿಚ್ ನಲ್ಲಿ ಆಡಲು ರಾಹುಲ್ ಅನರ್ಹ. ದುಡ್ಡಿನ ಹಿಂದೆ ಓಡುವ ಟೀಂ ಇಂಡಿಯಾ ಆಟಗಾರರಿಗೆ ಸೋಲು ಸ್ವಲ್ಪನೂ ಬೇಸರ ತರಿಸಿಲ್ಲ. ರಾಹುಲ್ ಮಾಡೆಲ್ ಗೆ ಮಾತ್ರ ಸೂಕ್ತ ಎಂದೆಲ್ಲಾ ಟ್ವೀಟರಿಗರು ರಾಹುಲ್ ರನ್ನು ಟೀಕಿಸಿದ್ದಾರೆ.
To the most Genuine, Humble and a Lovely human being.
