ಮ್ಯಾಚ್ ಫಿಕ್ಸಿಂಗ್ ಹಗರಣ: ಬುಕ್ಕಿ ಸಂಜೀವ್ ಚಾವ್ಲಾ ಗಡಿಪಾರಿಗೆ ಬ್ರಿಟನ್ ಕೋರ್ಟ್ ಆದೇಶ

ಲಂಡನ್: 2000 ರಲ್ಲಿ ದಕ್ಷಿಣ ಆಫ್ರಿಕಾದ ನಾಯಕ ಹ್ಯಾನ್ಸಿ ಕ್ರೊನಿಯೆ ಜೊತೆಗೂಡಿ ಮ್ಯಾಚ್ ಫಿಕ್ಸಿಂಗ್ ಮಾಡಿದ್ದ ಬುಕ್ಕಿ ಸಂಜೀವ್ ಚಾವ್ಲಾ ಗಡಿಪಾರಿಗೆ ಬ್ರಿಟನ್ ಕೋರ್ಟ್ ಜ.07 ರಂದು ಆದೇಶ ನೀಡಿದೆ. 

ಬ್ರಿಟನ್ ಕೋರ್ಟ್ ಆದೇಶದಿಂದ ಭಾರತದ ದೀರ್ಘಾವಧಿಯ ಶ್ರಮಕ್ಕೆ ಫಲ ದೊರೆತಿದೆ.  "ಲಂಡನ್ ನಲ್ಲಿರುವ ವೆಸ್ಟ್ ಮಿನಿಸ್ಟರ್ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ಸಂಜೀವ್ ಚಾವ್ಲಾನನ್ನು ಭಾರತಕ್ಕೆ ಗಡಿಪಾರು ಮಾಡಲು ಆದೇಶ ನೀಡಿದ್ದು ಈ ಹಿಂದಿನ ಆದೇಶವನ್ನು ರದ್ದುಗೊಳಿಸಿದೆ".  ಎಂದು ಭಾರತದ ಪರವಾಗಿ ವಾದ ಮಂಡಿಸಿದ್ದ ಕ್ರೌನ್ ಪ್ರಾಸಿಕ್ಯೂಷನ್ ಸರ್ವೀಸ್ ನ ವಕ್ತಾರರು ತಿಳಿಸಿದ್ದಾರೆ. 

ಈಗ ಗಡಿಪಾರಿನ ಅಧಿಕೃತ ಆದೇಶಕ್ಕಾಗಿ ಈ ಪ್ರಕರಣ ಗೃಹ ಕಾರ್ಯದರ್ಶಿ ಸಜೀದ್ ಜಾವೇದ್ ಬಳಿಗೆ ಹೋಗಲಿದೆ. ಗಡಿಪಾರು ಮಾಡಬೇಕೆಂದು ಗೃಹ ಕಾರ್ಯದರ್ಶಿಗಳು ಬಯಸಿದರೆ ಇನ್ನೆರಡು ತಿಂಗಳಲ್ಲಿ ಸಂಜೀವ್ ಚಾವ್ಲಾ ಗಡಿಪಾರಾಗಿ ಭಾರತಕ್ಕೆ ಬರಲಿದ್ದಾರೆ. ದೆಹಲಿ ಮೂಲದ ಉದ್ಯಮಿ ಸಂಜೀವ್ ಚಾವ್ಲಾ 1996 ರಲ್ಲಿ ಉದ್ಯಮ ವೀಸಾ ಪಡೆದು ಬ್ರಿಟನ್ ಗೆ ತೆರಳಿದ್ದರು. 2005 ರಲ್ಲಿ ಬ್ರಿಟನ್ ಪಾಸ್ ಪೋರ್ಟ್ ಪಡೆದು ಅಲ್ಲಿನ ಪೌರತ್ವವನ್ನೂ ಸಂಜೀವ್ ಚಾವ್ಲ ಗಳಿಸಿದ್ದರು. 2000 ರಲ್ಲಿ ನಡೆದಿದ್ದ ಮ್ಯಾಚ್ ಫಿಕ್ಸಿಂಗ್ ಪ್ರಕರಣದಲ್ಲಿ

2000 ರಲ್ಲಿ ದಕ್ಷಿಣ ಆಫ್ರಿಕಾದ ನಾಯಕ ಹ್ಯಾನ್ಸಿ ಕ್ರೊನಿಯೆ  ಜೊತೆಗೆ ಸಂಪರ್ಕ ಹೊಂದಿದ್ದು ಸಾಬೀತಾಗಿತ್ತು.