ಈ ಪಂದ್ಯದಲ್ಲಿ ಭರ್ಜರಿ ಶತಕ ಸಿಡಿಸಿದ ಟೇಲರ್ ಸತತ 6 ಪಂದ್ಯಗಳಿಂದ 50 ಕ್ಕೂ ಹೆಚ್ಚು ರನ್ ಬಾರಿಸಿದ ಹಿರಿಮೆಗೆ ಪಾತ್ರರಾಗಿದರು. ಕಳೆದ ಆರು ಇನ್ನಿಂಗ್ಸ್ ಗಳಲ್ಲಿ ಕಿವೀಸ್ ನ ಆಟಗಾರ ಕ್ರಮವಾಗಿ 181, 80, 86, 54, 90 ಮತ್ತು 137 ರನ್ ಗಳಿಸಿ ಅಪರೂಪ ಸಾಧನೆ ಮಾಡಿದ್ದಾರೆ. ಈ ಹಿಂದೆ ಇಂತಹದೊಂದು ದಾಖಲೆಯನ್ನು ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಸೃಷ್ಟಿಸಿದ್ದರು. ಅವರು 5 ಪಂದ್ಯಗಳಿಂದ ಸತತ 50ಕ್ಕೂ ಹೆಚ್ಚು ರನ್ ಸಿಡಿಸಿ ಮಿಂಚಿದ್ದರು. ಈ ದಾಖಲೆಯನ್ನು ರನ್ ಮಿಷಿನ್ ವಿರಾಟ್ ಕೊಹ್ಲಿ ಸರಿಗಟ್ಟಿದ್ದರು. ಕೊಹ್ಲಿ ಸಹ ಸತತ 5 ಪಂದ್ಯಗಳಲ್ಲಿ 50 ಕ್ಕೂ ಹೆಚ್ಚು ರನ್ ಪೇರಿಸಿ ದಾಖಲೆ ನಿರ್ಮಿಸಿದ್ದರು.