ಲೀಡ್ಸ್: ತಾನಾಡಿದ ಮೊದಲ ವಿಶ್ವಕಪ್ ನಲ್ಲೇ ಪಾಕಿಸ್ತಾನದ ಆಟಗಾರ ಆಫ್ರಿದಿ ವಿಶ್ವ ದಾಖಲೆ ಬರೆದಿದ್ದಾರೆ.
ಅರೆ ಇದೇನಿದು ಶಾಹಿದ್ ಅಫ್ರಿದಿ ನಿವೃತ್ತಿಯಾಗಿ ತುಂಬಾ ದಿನಗಳೇ ಕಳೆದಿವೆ. ಮತ್ತೆ ವಿಶ್ವ ದಾಖಲೆ ಹೇಗೆ ಎಂದು ಪ್ರಶ್ನೆ ಮಾಡಬೇಡಿ.. ನಾವು ಹೇಳುತ್ತಿರುವುದು ಪಾಕಿಸ್ತಾನದ ಉದಯೋನ್ಮುಖ ಆಟಗಾರ ಶಾಹೀನ್ ಅಫ್ರಿದಿ ಕುರಿತು.
ಹೌದು.. ಪಾಕಿಸ್ತಾನ ತಂಡದ ಅತ್ಯಂತ ಯುವ ಆಟಗಾರ ಮತ್ತು ಉದಯೋನ್ಮುಖ ವೇಗಿ ಶಾಹೀನ್ ಅಫ್ರಿದಿ ಇಂದು ಆಫ್ಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಶ್ರೇಷ್ಠ ನಿರ್ವಹಣೆ ತೋರಿ ವಿಶ್ವದಾಖಲೆ ಬರೆದಿದ್ದಾರೆ. ಆಫ್ಘಾನಿಸ್ತಾನದ ವಿರುದ್ಧ ಶಾಹೀನ್ ಅಫ್ರಿದಿ 10 ಓವರ್ ಗಳಲ್ಲಿ 47 ರನ್ ನೀಡಿ ಪ್ರಮುಖ ನಾಲ್ತು ವಿಕೆಟ್ ಕಬಳಿಸಿದ್ದಾರೆ. ಆ ಮೂಲಕ ಅಫ್ರಿದಿ ವಿಶ್ವದಾಖಲೆ ಬರೆದಿದ್ದು, ವಿಶ್ವಕಪ್ ಪಂದ್ಯವೊಂದರಲ್ಲಿ 4 ವಿಕೆಟ್ ಪಡೆದ ಅತ್ಯಂತ ಚಿಕ್ಕ ವಯಸ್ಸಿನ ಆಟಗಾರ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ.
ಇದಕ್ಕೂ ಮೊದಲು 1999ರ ವಿಶ್ವಕಪ್ ನಲ್ಲಿ ಸ್ಕಾಟ್ಲೆಂಡ್ ಆಟಗಾರ ಜಾನ್ ಬ್ಲೇನ್ ಬಾಂಗ್ಲಾದೇಶದ ವಿರುದ್ಧ ಈ ಸಾಧನೆ ಮಾಡಿದ್ದರು. ಅಂದು ಬ್ಲೇನ್ ವಯಸ್ಸು 20 ವರ್ಷ 140 ದಿನಗಳಾಗಿತ್ತು, ಆದರೆ ಇಂದು ಈ ದಾಖಲೆಯನ್ನು ಅಫ್ರಿದಿ ಮುರಿದಿದ್ದು, ಇಂದಿಗೆ ಅವರ ವಯಸ್ಸು 19 ವರ್ಷ 84 ದಿನಗಳಾಗಿವೆ.
Shaheen Afridi steals the show!
The 19-year old takes 4/47, which are record figures in a Men's World Cup game for a teenager.