ಭಾರತ- ಇಂಗ್ಲೆಂಡ್ ಮೊದಲ ಟೆಸ್ಟ್: ಮೂರನೇ ದಿನವೂ ಮಳೆ ಅಡ್ಡಿ, ಇಂಗ್ಲೆಂಡ್ ಗೆ 70 ರನ್ ಹಿನ್ನೆಡೆ

ನಾಟಿಂಗ್ ಹ್ಯಾಮ್: ಇಲ್ಲಿ ನಡೆಯುತ್ತಿರುವ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಮೊದಲ ಟೆಸ್ಟ್ ಪಂದ್ಯದ ಎರಡನೇ ಇನ್ನಿಂಗ್ಸ್ನ  ಮೂರನೇ ದಿನವೂ ಮಳೆ ಅಡ್ಡಿಯಾಗಿದೆ.

ಪಂದ್ಯ ಆರಂಭವಾಗುತ್ತಿದ್ದಂತೆ ಭಾರೀ ಮಳೆ ಸುರಿದು ಅಡ್ಡಿಯಾಯಿತು. ಈ ಸಂದರ್ಭದಲ್ಲಿ  ಇಂಗ್ಲೆಂಡ್ ಯಾವುದೇ ವಿಕೆಟ್ ನಷ್ಟವಿಲ್ಲದೆ 25 ರನ್ ಗಳಿಸಿದ್ದು, 70 ರನ್ ಗಳ ಹಿನ್ನೆಡೆ ಅನುಭವಿಸಿತ್ತು

ಇದಕ್ಕೂ ಮುನ್ನ ಭಾರತ 278 ರನ್ ಗಳಿಗೆ ಆಲೌಟ್ ಆಗುವ ಮೂಲಕ ಮೊದಲ ಇನ್ನಿಂಗ್ಸ್ ನಲ್ಲಿ 95 ರನ್ ಗಳ ಮುನ್ನಡೆ  ಪಡೆದಿತ್ತು. ಈ ಮೂಲಕ ಭಾರತ ಹಿಡಿತ ಸಾಧಿಸಿದೆ.  ರಾಹುಲ್ 84 ಹಾಗೂ ಜಡೇಜಾ ಅರ್ಧ ಶತಕ ಬಾರಿಸುವ ಮೂಲಕ ತಂಡ ಮುನ್ನಡೆ ಸಾಧಿಸುವಲ್ಲಿ ಪ್ರಮುಖ ಕೊಡುಗೆ ನೀಡಿದರು.

ಕೊನೆಯ ಹಂತದಲ್ಲಿ ಮೊಹಮ್ಮದ್ ಶಮಿ 13 ಹಾಗೂ ಜಸ್ ಪ್ರೀತ್ ಬೂಮ್ರಾ 28 ರನ್ ಗಳಿಸಿ ತಂಡದ ಮುನ್ನಡೆಯ ಅಂತರವನ್ನು ಹೆಚ್ಚಿಸಿದರು. ಇಂಗ್ಲೆಂಡ್ ತಂಡದ ಪರ ರಾಬಿನ್ಸನ್ ಐದು, ಆ್ಯಂಡರ್ಸ್ ನಾಲ್ಕು ವಿಕೆಟ್  ಕಬಳಿಸಿದರು.