ಐಪಿಎಲ್ 2026ರ ಹರಾಜಿಗೆ ಮುನ್ನ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಫ್ರಾಂಚೈಸಿಗಳು ತಮ್ಮ ರಿಟೆನ್ಷನ್ ಲಿಸ್ಟ್ ಅನ್ನು ಅಂತಿಮಗೊಳಿಸುವ ಸಮಯ ಸಮೀಪಿಸುತ್ತಿದೆ. ನವೆಂಬರ್ 15 ಪಟ್ಟಿಯನ್ನು ಸಲ್ಲಿಸಲು ಕೊನೆಯ ದಿನಾಂಕವಾಗಿರುವುದರಿಂದ, ಆಟಗಾರರ ಬದಲಾವಣೆಗಳ ವರದಿಗಳು ಮತ್ತು ವದಂತಿಗಳು ಹೆಚ್ಚುತ್ತಲೇ ಇವೆ. ವರದಿ ಪ್ರಕಾರ, ದಕ್ಷಿಣ ಆಫ್ರಿಕಾದ ಪ್ರಬಲ ವಿಕೆಟ್ ಕೀಪರ್ ಬ್ಯಾಟರ್ ಹೆನ್ರಿಕ್ ಕ್ಲಾಸೆನ್ ಅವರನ್ನು ಸನ್ರೈಸರ್ಸ್ ಹೈದರಾಬಾದ್ (SRH) ಬಿಡುಗಡೆ ಮಾಡುವ ಸಾಧ್ಯತೆ ಇದೆ ಎನ್ನಲಾಗಿದೆ.
ಕಳೆದ ವರ್ಷ, ಕ್ಲಾಸೆನ್ ಅವರನ್ನು SRH ದಾಖಲೆಯ 23 ಕೋಟಿ ರೂ. ಶುಲ್ಕಕ್ಕೆ ಉಳಿಸಿಕೊಂಡಿತು. ಇತರ ಅನೇಕ ಫ್ರಾಂಚೈಸಿಗಳು ಇದೀಗ ಕ್ಲಾಸೆನ್ ಮೇಲೆ ನಿಗಾ ಇಡುತ್ತಿವೆ ಮತ್ತು ಅವರು ತಮ್ಮ ತಂಡದ ಭಾಗವಾಗಬೇಕೆಂದು ಬಯಸುತ್ತಿವೆ ಎಂದು ವರದಿಯಾಗಿದೆ.
ಐಪಿಎಲ್ 2025ರ ಪಾಯಿಂಟ್ಸ್ ಟೇಬಲ್ನಲ್ಲಿ ಎಸ್ಆರ್ಎಚ್ ತಂಡವು ಆರನೇ ಸ್ಥಾನ ಪಡೆದು ತಮ್ಮ ಅಭಿಯಾನ ಮುಗಿಸಿತು. ಹೀಗಾಗಿ, ಸನ್ರೈಸರ್ಸ್ ಹೈದರಾಬಾದ್ ಆಡಳಿತ ಮಂಡಳಿಯು ಈಗಾಗಲೇ ತಮ್ಮ ಹರಾಜು ಯೋಜನೆಗಳ ಕುರಿತು ಮಾತುಕತೆ ನಡೆಸಿದೆ ಎಂದು ವರದಿ ಹೇಳುತ್ತದೆ.
ಐಪಿಎಲ್ 2025 ರಲ್ಲಿ ಕ್ಲಾಸೆನ್ SRH ಪರ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರಾಗಿದ್ದರು. 13 ಇನಿಂಗ್ಸ್ಗಳಲ್ಲಿ 172ಕ್ಕಿಂತ ಹೆಚ್ಚು ಸ್ಟ್ರೈಕ್ ರೇಟ್ನಲ್ಲಿ 487 ರನ್ ಗಳಿಸಿದರು. 34 ವರ್ಷದ ಕ್ಲಾಸೆನ್ ಕಳೆದ ಮೂರು ಆವೃತ್ತಿಗಳಲ್ಲಿ ಐಪಿಎಲ್ನಲ್ಲಿ ಅತ್ಯುತ್ತಮ ಬ್ಯಾಟ್ಸ್ಮನ್ಗಳಲ್ಲಿ ಒಬ್ಬರಾಗಿದ್ದಾರೆ. ಪ್ರತಿ ಆವೃತ್ತಿಯಲ್ಲಿಯೂ 170 ಕ್ಕಿಂತ ಹೆಚ್ಚು ಸ್ಟ್ರೈಕ್ ರೇಟ್ನಲ್ಲಿ 400 ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ.
ಕ್ಲಾಸೆನ್ ಸದ್ಯ SRH ತಂಡದ ಅತಿ ಹೆಚ್ಚು ಸಂಭಾವನೆ ಪಡೆಯುವ ಆಟಗಾರರಾಗಿದ್ದು, ನಾಯಕ ಪ್ಯಾಟ್ ಕಮ್ಮಿನ್ಸ್ ಮತ್ತು ಆರಂಭಿಕ ಆಟಗಾರರಾದ ಅಭಿಷೇಕ್ ಶರ್ಮಾ ಮತ್ತು ಟ್ರಾವಿಸ್ ಹೆಡ್ ಅವರಿಗಿಂತ ಕಡಿಮೆ ಸಂಭಾವನೆ ಪಡೆಯುತ್ತಿದ್ದಾರೆ. ಐಪಿಎಲ್ ನಂತರ, ಕ್ಲಾಸೆನ್ ಅಂತರರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿ ಘೋಷಿಸಿದರು.
2026ರ ಐಪಿಎಲ್ ಮಿನಿ-ಹರಾಜಿಗೂ ಮುನ್ನ SRH ಕ್ಲಾಸೆನ್ ಅವರನ್ನು ಬಿಡುಗಡೆ ಮಾಡುವ ಬಗ್ಗೆ ಸಂಭಾವ್ಯವಾಗಿ ಪರಿಶೀಲಿಸಬಹುದು.
ಕ್ಲಾಸೆನ್ರನ್ನು ಬಿಡುಗಡೆ ಮಾಡಿ, ಕಡಿಮೆ ಶುಲ್ಕಕ್ಕೆ ಮತ್ತೆ ಅವರನ್ನು ಖರೀದಿಸಲು SRH ಸಕ್ರಿಯವಾಗಿ ಎದುರು ನೋಡುತ್ತದೆ. ದಕ್ಷಿಣ ಆಫ್ರಿಕಾದ ಆಟಗಾರನನ್ನು ಸುಮಾರು 15 ಕೋಟಿ ರೂ.ಗಳಿಗೆ ಮರಳಿ ಪಡೆಯಬಹುದು ಮತ್ತು ಉಳಿದ ಹಣವನ್ನು ಪರಿಣಾಮಕಾರಿ ಶಾಪಿಂಗ್ ಮಾಡಲು ಬಳಸಿಕೊಳ್ಳಬಹುದು' ಎಂದು ವರದಿ ತಿಳಿಸಿದೆ.
IPL 2026ರ ಮಿನಿ-ಹರಾಜು ಡಿಸೆಂಬರ್ ಮಧ್ಯದಲ್ಲಿ ನಡೆಯುವ ನಿರೀಕ್ಷೆಯಿದೆ.
Advertisement
