ಬೆಂಗಳೂರು: ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ಚುನಾವಣಾ ಪ್ರಕ್ರಿಯೆ ಶಾಂತಿಯುತವಾಗಿ ನಡೆದಿದ್ದು ಚುನಾವಣೆ ಸಂಬಂಧ ಶುಕ್ರವಾರದಿಂದ 1,358 ಪ್ರಕರಣ ದಾಖಲಿಸಿ 234 ಮಂದಿಯನ್ನು ಮುಂಜಾಗೃತ ಕ್ರಮವಾಗಿ ಬಂಧಿಸಲಾಗಿದೆ ಎಂದು ನಗರ ಪೊಲೀಸ್ ಆಯುಕ್ತ ಎನ್. ಎಸ್. ಮೇಘರಿಖ್ ಹೇಳಿದರು.
ಸಿಆರ್‍ಪಿಸಿ ಕಾಯ್ದೆ ಅನ್ವಯ 1320 ಪ್ರಕರಣ ದಾಖಲಿಸಲಾಗಿದ್ದು ಐಪಿಸಿ ಕಲಂ ಅನ್ವಯ 24 ಪ್ರಕರಣಗಳು ದಾಖಲಾಗಿವೆ. ಪ್ರಜಾಪ್ರತಿನಿಧಿ ಕಾಯ್ದೆ ಅನ್ವಯ 12 ಹಾಗೂ ಗಂಭೀರವಲ್ಲದ 2 ಪ್ರಕರಣ ದಾಖಲಿಸಲಾಗಿದೆ. ಅಲ್ಲದೇ ರು.3,23,720 ನಗದು ವಶಪಡಿಸಿಕೊಳ್ಳಲಾಗಿದೆ. ಬಿಜೆಪಿ ವಿರುದ್ಧ 11, ಕಾಂಗ್ರೆಸ್ ವಿರುದ್ಧ 9, ಜೆಡಿಎಸ್ ವಿರುದ್ಧ 7 ಹಾಗೂ ಸ್ವಾತಂತ್ರ್ಯ ಅಭ್ಯರ್ಥಿಗಳ ವಿರುದಟಛಿ 9 ಪ್ರಕರಣ ದಾಖಲಿಸಲಾಗಿದೆ ಎಂದು ಆಯುಕ್ತರು ಮಾಹಿತಿ ನೀಡಿದರು.
ಭದ್ರತೆಗಾಗಿ ನನ್ನ ಜೊತೆ ಹೆಚ್ಚುವರಿ ಆಯುಕ್ತರು ಸೇರಿ ನಗರದ ಅತಿ ಸೂಕ್ಷ್ಮ ಎಂದು ಗುರುತಿಸಲ್ಪಟ್ಟಿರುವ 57 ಪ್ರದೇಶಗಳಲ್ಲಿ ಸಿಬ್ಬಂದಿ ಜೊತೆ ಪಥಸಂಚಲನದಲ್ಲಿ ಪಾಲ್ಗೊಂಡಿದ್ದರು.
ಯಾವ ಪಕ್ಷದ ವಿರುದ್ಧ ಎಷ್ಟು ಕೇಸ್
