ಬೆಂಗಳೂರು: ಬಿಬಿಎಂಪಿ ಆರೋಗ್ಯ ಕೇಂದ್ರದಲ್ಲಿ ಲಸಿಕೆ ಹಾಕಿಸಿಕೊಂಡು ಬಂದ ಮರುದಿನ 4 ತಿಂಗಳ ಅವಳಿ ಮಕ್ಕಳು ಅನುಮಾನಾಸ್ಪದವಾಗಿ ಮೃತಪಟ್ಟಿವೆ.
ಗಿರಿನಗರ ನಿವಾಸಿ ಲುನೇಶ್, ಹೇಮಲತಾ ದಂಪತಿಯ ಸಾನ್ವಿ , ದಿಶಾ ಮೃತಪಟ್ಟ ಮಕ್ಕಳು. ಡಿ.3ರಂದು ಬಾಪೂಜಿ ನಗರದ ಆರೋಗ್ಯ ಕೇಂದ್ರದಲ್ಲಿ ಮಕ್ಕಳಿಗೆ ಲಸಿಕೆ ಹಾಕಿಸಿದ್ದರು. ಮರುದಿನ ಬೆಳಗ್ಗೆ ಹಾಲು ಕುಡಿದು ಮಲಗಿದ ಮಕ್ಕಳು ಎಚ್ಚರಗೊಂಡಿರಲಿಲ್ಲ.
ಗಾಬರಿಗೊಂಡ ದಂಪತಿ, ಮಕ್ಕಳ ನ್ನು ಕ್ಲಿನಿಕ್ಗೆ ಕರೆದೊಯ್ದಿದ್ದರು. ಅದರೆ, ಅಷ್ಟು ಹೊತ್ತಿಗಾಗಲೇ ಮಕ್ಕಳು ಸಾವಿಗೀಡಾಗಿದ್ದವು. ಗಿರಿನಗರ ಠಾಣೆಯಲ್ಲಿ ದೂರು ದಾಖಲಾಗಿದೆ. ಪೋಲಿಯೋ ಲಸಿಕೆಯೇ ಸಾವಿಗೆ ಕಾರಣ ಎಂದು ದಂಪತಿ ದೂರಿದ್ದಾರೆ.
