ರಾಜಕಾರಣ

= ಆಚಾರಕ್ಕಿಂತ ಲೆಕ್ಕಾಚಾರವೇ ಪ್ರಧಾನವಾಗಿಯುಳ್ಳ ಕ್ಷೇತ್ರ
=   ಹಣ ಗಳಿಕೆಯ ಸಂಕಲನ, ಮಾನ-ಮರ್ಯಾದೆಯ ವ್ಯವಕಲನ
=   ಸಮಾಜದ ಒಗ್ಗಟ್ಟಿನ ಭಾಗಾಕಾರ ಮತ್ತು ಕೋಮು ಕೋಮುಗಳ ನಡುವಿನ ಗುಣಾಕಾರ
=   ಹೊಡೆದಾಡುವ ಮೂಲಕ ಒಡೆದು ಆಳುವ ಒಡೆಯನಾಗುವ ಸಂಚು
=    ಭಂಡತನವೇ ಇಲ್ಲಿನ ಬಂಡವಾಳ
=   ಮೋಸ, ದಗಾ, ವಂಚನೆಗಳೇ ಇದರ ಬೆನ್ನೆಲುಬು
=   ಲಾಭ ಮತ್ತು ಲೋಭ ಇಲ್ಲಿಯ ಪ್ರವರ್ತಕಗಳು
=   ವೋಟಿಗಾಗಿ ನೋಟು ಹಂಚಿದವನಿಗಿಲ್ಲಿ ಅಧಿಕಾರ ಭಾಗ್ಯ
=   ಭೀಷಣ ಭಾಷಣ, ಭರವಸೆಯ ವರಸೆಗಳೆಲ್ಲ ಉಪ ಸಂಪನ್ಮೂಲಗಳು
=   ಸಾರ್ವಜನಿಕ ಜೀವನವೇ ಇಲ್ಲಿ ವಯಕ್ತಿಕ ಜೀವನ
=   ಒಮ್ಮೆ ರಾಜಕಾರಣಕ್ಕೆ ಇಳಿದರೆ ಮತ್ತೆ ಮೇಲೆ ಬರುವುದು ಕಷ್ಟ
=   ಖರ್ಚು ಮಾಡಿದಷ್ಟು ಖುರ್ಚಿ ಹತ್ತಿರವಾಗುವ ಕ್ಷೇತ್ರ
=   ನಿಷ್ಠೆ, ವಂಚನೆಗಳ ನಡುವೆ ಇಲ್ಲ ಅಂತರ. ಹಾಗಾಗಿಯೇ ನಡೆಯುವುದು ಪಕ್ಷಾಂತರ
=   ಮತ ಬ್ಯಾಂಕ್ ಕೊಳ್ಳೆ ಹೊಡೆದರೆ ತುಂಬುವುದು ಸ್ವಿಸ್ ಬ್ಯಾಂಕ್
=   ಅಡ್ಡಗಾಲು ಹಾಕಿ ಮೆಲೆ ಬಂದವನಿಗೆ ಅಡಿಗಲ್ಲು ಹಾಕುವ ಅವಕಾಶ ಲಭ್ಯ


-ವಿಶ್ವನಾಥ ಸುಂಕಸಾಳ
vishwasunkasal@yahoo.com