ಬಗೆ

ಬಗೆ
=     ಆಕಾರ, ಈಕಾರಗಳೆಂಬ ಪ್ರಕಾರ
=     ವಿವಿಧ ವಿಧಿ ವಿಧಾನಗಳ ವಿಧ
=     ಮಾಲ್‌ಗಳಿಗೆ ಹೋದಾಗ ತಲೆ ಕೆಡಿಸುವ ವೆರೈಟಿ
=     ಬಗೆ ಬಗೆಯ ಬಗೆಗಳಿವೆ. ಬಗೆ ಹಲವು. ಪ್ರಕಾರ ಒಂದೇ
=     ನರಸಿಂಹ ಹಿರಣ್ಯ ಕಶಿಪುವಿನ ಹೊಟ್ಟೆ ಬಗೆದದ್ದೊಂದು ಬಗೆ
=     ಉಂಡ ಮನೆಗೆ ಎರಡು ಬಗೆಯುವುದು ಮತ್ತೊಂದು ಬಗೆ
=     ಬಗೆಗಣ್ಣ ನೋಟ ಮಗದೊಂದು ಬಗೆ
=     ಲಘು - ಬಗೆಯಿಂದ ಓಡಾಡುವುದು ಬಗೆಗಳಲ್ಲೇ ಆರೋಗ್ಯದಾಯಕ ಬಗೆ
=     ನಾವು ಬಗೆದಂತೆ ವಿಧಿಯೂ ಬಗೆದಿದ್ದರೆ ಪ್ರಪಂಚದಲ್ಲಿ ಇಷ್ಟೊಂದು ಬಗೆಗಳಿರುತ್ತಿರಲಿಲ್ಲ
=     ಬೇಗೆ ಹೋಗಲಾಡಿಸುವ ರೀತಿಯೂ ಒಂದು ಬಗೆ
=     ವಾರಿಗೆಯವರೊಡನೆ ವ್ಯವಹರಿಸುವ ರಿವಾಜು ಮತ್ತೊಂದು ಬಗೆ
=     ಜ್ಞಾನಗಣಿಯ ಬಗೆಯ ಬೇಕು, ಅಜ್ಞಾನವನ್ನು ಕಿತ್ತೊಗೆಯಬೇಕು
=     ಹಗೆ ಸಾಧಿಸಲು ತಿಳಿದಿರಬೇಕಾದ ರೀತಿ
=     ಸಾಹಿತ್ಯದಲ್ಲಿ ಹಲವು ಬಗೆ. ಒಳ್ಳೆಯ ಸಾಹಿತ್ಯ, ಕೆಟ್ಟ ಸಾಹಿತ್ಯ ಹಾಗೂ ಬಕೆಟ್ ಸಾಹಿತ್ಯ

-ವಿಶ್ವನಾಥ ಸುಂಕಸಾಳ
vishwasunkasal@yahoo.com