ಕಲಬುರಗಿ: ಕಳೆದ ಒಂದು ವರ್ಷಗಳ ಹಿಂದೆಯೇ ಲೋಕಸಭೆ ವಿಪಕ್ಷ ನಾಯಕ ಮಲ್ಲಿಕಾರ್ಜುನ್ ಖರ್ಗೆ ಅವರನ್ನು ಕಲಬುರಗಿಯಲ್ಲಿ ಸೋಲಿಸಲು ಬಿಜೆಪಿ ವರ್ಕೌಟ್ ಮಾಡಿದ್ದು ಅದರಂತೆ ಖರ್ಗೆ ವಿರುದ್ಧ ಬಿಜೆಪಿ ಅಭ್ಯರ್ಥಿ ಉಮೇಶ್ ಜಾದವ್ ಅವರು ಭರ್ಜರಿ ಗೆಲುವು ಸಾಧಿಸಿದ್ದಾರೆ.
ಅಂದುಕೊಂಡಂತೆ ಬಿಜೆಪಿ ಪ್ರಯತ್ನ ಸಫಲವಾಗಿದ್ದು ಉಮೇಶ್ ಜಾದವ್ ವಿರುದ್ಧ ಮಲ್ಲಿಕಾರ್ಜುನ್ ಖರ್ಗೆ 70 ಸಾವಿರ ಮತಗಳ ಹಿನ್ನಡೆ ಸಾಧಿಸಿದ್ದು ಸೋಲಿನ ಸುಳಿಯಲ್ಲಿದ್ದಾರೆ.
ಇನ್ನು ಒಂದೇ ಒಂದು ಸುತ್ತಿನಲ್ಲೂ ಮಲ್ಲಿಕಾರ್ಜುನ್ ಖರ್ಗೆ ಅವರು ಮುನ್ನಡೆ ಪಡೆಯಲು ಸಾಧ್ಯವಾಗಿರಲಿಲ್ಲ.
ಒಂದು ವರ್ಷಗಳ ಹಿಂದೆಯೇ ಮಲ್ಲಿಕಾರ್ಜುನ ಖರ್ಗೆ ಅವರನ್ನು ಸೋಲಿಸಲು ಬಿಜೆಪಿ ಪಣ ತೊಟ್ಟಿತ್ತು. ಅದರಂತೆ ಕಾಂಗ್ರೆಸ್ ಶಾಸಕ ಉಮೇಶ್ ಜಾದವ್ ಅವರಿಗೆ ಗಾಳ ಹಾಕಿ ಬಿಜೆಪಿಗೆ ಸೇರುವಂತೆ ಮಾಡಿದ್ದರು. ಇದೇ ಖರ್ಗೆಯನ್ನು ಸೋಲಿಸಲು ಪ್ರಮುಖ ಕಾರಣವಾಗಿದೆ.
