ಪೋರ್ಚಗಲ್ ತಂಡವನ್ನು 2-1 ಗೋಲುಗಳಿಂದ ಮಣಿಸಿದ ಉರುಗ್ವೆ ಕ್ವಾರ್ಟರ್ ಫೈನಲ್ ಪ್ರವೇಶ

ರಷ್ಯಾದಲ್ಲಿ ನಡೆಯುತ್ತಿರುವ ಫೀಫಾ ವಿಶ್ವಕಪ್ ಪುಟ್ಬಾಲ್ ಟೂರ್ನಿಯ 16ರ ಘಟ್ಟದಲ್ಲಿ ಪೋರ್ಚಗಲ್ ತಂಡವನ್ನು 2-1 ಗೋಲುಗಳಿಂದ ಅಂತರದಿಂದ ಮಣಿಸಿದ ಉರುಗ್ವೆ ಕ್ವಾರ್ಟರ್ ಫೈನಲ್ಸ್ ಪ್ರವೇಶಿಸಿದೆ.

ಕವಾನಿ ಚಿತ್ರ

ಮಾಸ್ಕೋ: ರಷ್ಯಾದಲ್ಲಿ ನಡೆಯುತ್ತಿರುವ ಫೀಫಾ ವಿಶ್ವಕಪ್ ಪುಟ್ಬಾಲ್ ಟೂರ್ನಿಯ 16ರ ಘಟ್ಟದಲ್ಲಿ ಪೋರ್ಚಗಲ್ ತಂಡವನ್ನು 2-1 ಗೋಲುಗಳಿಂದ ಅಂತರದಿಂದ ಮಣಿಸಿದ ಉರುಗ್ವೆ ಕ್ವಾರ್ಟರ್ ಫೈನಲ್ಸ್ ಪ್ರವೇಶಿಸಿದೆ.

ಪ್ರಬಲ ಪೈಪೋಟಿಯಿಂದ ಕೂಡಿದ್ದ ಪಂದ್ಯದಲ್ಲಿ ಎಡಿಸನ್ ಕವಾನಿ ಗಳಿಸಿದ ಗೋಲು ಉರುಗ್ವೆ ಗೆಲ್ಲಲು ಕಾರಣವಾಯಿತು. ಪಂದ್ಯದ 7 ಮತ್ತು 62ನೇ ನಿಮಿಷದಲ್ಲಿ ಕವಾನಿ ಗಳಿಸಿದ ಗೋಲು ಪೋರ್ಚುಗಲ್ ಗೆ ದುಬಾರಿಯಾಗಿ ಪರಿಣಮಿಸಿತು.

ಅಲ್ಲದೆ ತಂಡದ ಸ್ಚಾರ್ ಆಟಗಾರ ಕ್ರಿಸ್ಟಿಯಾನೋ ರೊನಾಲ್ಡೋ ಸಿಡಿಯದೇ ಇದ್ದದ್ದು ಪೋರ್ಚಗಲ್ ಟೂರ್ನಿಯಿಂದ ಹೊರಬೀಳುವಂತೆ ಮಾಡಿತು. ಅಂತಿಮವಾಗಿಪೋರ್ಚುಗಲ್ ತಂಡ 2-1 ಅಂತರದ ಹೀನಾಯ ಸೋಲಿನೊಂದಿಗೆ ವಿಶ್ವಕಪ್ ಟೂರ್ನಿಯಿಂದ ಹೊರಬಿತ್ತು.

ಅಂತೆಯೇ ವಿಶ್ವಕಪ್ ಗೆಲ್ಲಬೇಕು ಎಂಬ ರೊನಾಲ್ಡೋ ಮಹದಾಸೆ ಕೂಡ ಕಮರಿ ಹೋಯಿತು. ಮುಂದಿನ ವಿಶ್ವಕಪ್ ಗೆ ಕ್ರಿಸ್ಟಿಯಾನೋ ರೊನಾಲ್ಡೋ ಆಡುವುದು ಅನುಮಾನವಾಗಿದೆ.

ಇನ್ನು ಪೋರ್ಚುಗಲ್ ಮಣಿಸಿದ ಉರುಗ್ವೆ 8 ರ ಘಟ್ಟದಲ್ಲಿ ಪ್ರಬಲ ಫ್ರಾನ್ಸ್ ವಿರುದ್ಧ ಸೆಣಸಾಡಲಿದೆ.