ಸೆಟ್ ದೋಸೆ ಮಾಡುವ ವಿಧಾನ

ಬೇಕಾಗುವ ಸಾಮಾಗ್ರಿಗಳು

• ಇಡ್ಲಿ ಅಕ್ಕಿ: ಒಂದು ಕಪ್
• ದೋಸೆ ಅಕ್ಕಿ: ಒಂದು ಕಪ್
• ಉದ್ದಿನ ಬೇಳೆ : ಅರ್ಧ ಕಪ್
• ಗಟ್ಟಿ ಅವಲಕ್ಕಿ: ಅರ್ಧ ಕಪ್
• ಮೆಂತ್ಯಕಾಳು: ಒಂದು  ಚಮಚ
• ಬೆಲ್ಲ- ಸ್ವಲ್ಪ
• ಉಪ್ಪು: ರುಚಿಗೆ ತಕ್ಕಷ್ಟು
• ಕ್ಯಾರೆಟ್ ತುರಿ, ಹೆಚ್ಚಿದ ಕೊತ್ತಂಬರಿ ಸೊಪ್ಪು

• ಒಂದು ಪಾತ್ರೆಯಲ್ಲಿ ಅಕ್ಕಿ, ಉದ್ದಿನ ಬೇಳೆ ಮತ್ತು ಮೆಂತ್ಯವನ್ನು ತೊಳೆದು ಸುಮಾರು 6 ಗಂಟೆ ನೆನೆಸಿ
• ಮತ್ತೊಂದು ಪಾತ್ರೆಯಲ್ಲಿ ಅವಲಕ್ಕಿಯನ್ನು ನೆನೆಸಿ
• ಇದಾದ ನಂತರ ಮಿಕ್ಸಿ ಅಥವಾ ಗ್ರೈಂಡರ್ ಗೆ ಹಾಕಿ ಎಲ್ಲವನ್ನು ನುಣ್ಣಗೆ ರುಬ್ಬಿಕೊಳ್ಳಿ
• ರುಬ್ಬಿದ ಹಿಟ್ಟಿಗೆ ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಅರ್ಧ ಚಮಚ ಪುಡಿ ಮಾಡಿದ ಬೆಲ್ಲವನ್ನು ಮಿಕ್ಸ್ ಮಾಡಿ
• (ರಾತ್ರಿ ರುಬ್ಬಿ ಬೆಳಗ್ಗೆ ದೋಸೆ ಹಾಕಿದರೇ ಉತ್ತಮ)
• ನಂತರ ದೋಸೆ ಹಿಟ್ಟನ್ನು ಮಿಕ್ಸ್ ಮಾಡಿ 2 ಗಂಟೆ ಬಿಡಿ
• ಸ್ಟವ್ ಮೇಲೆ ಕಾವಲಿ ಇಚ್ಚು ಅದಕ್ಕೆ ಸ್ವಲ್ಪ ಎಣ್ಣೆ ಹಚ್ಚಿ
• ಸೌಟಿನಲ್ಲಿ ದೋಸೆ ಹಿಟ್ಟನ್ನು ಕಾವಲಿ ಮೇಲೆ ಹಾಕಿ
• ನಂತರ ಅದರ ಮೇಲೆ ತುರಿದ ಕ್ಯಾರೆಟ್ ಮತ್ತು ಕೊತ್ತಂಬರಿ ಸೊಪ್ಪನ್ನು ಉದುರಿಸಿ,
• ಎರಡು ಕಡೆ ಎಣ್ಣೆ ಹಾಕಿ ಬೇಯಿಸಿ, ಸೆಟ್ ದೋಸೆಯನ್ನು ತುಂಬಾ ರೋಸ್ಟ್ ಮಾಡಬಾರದು
• ಈಗ ಮೃದುವಾದ ಸೆಟ್ ದೋಸೆ ಚಟ್ನಿ ಅಥವಾ ತರಕಾರಿ ಸಾಗು ಜೊತೆ ಸವಿಯಲು ಸಿದ್ಧ