ಹೀಗೆ ಮಾಡಿ: ಸಾಲಂಬ ಶೀರ್ಷಾಸನದಲ್ಲಿ ನಿಂತು, ಬಲಗಾಲನ್ನು ಬಲ ಬದಿಗೆ ಇಳಿಸಬೇಕು. ಹೀಗೆ ಇಳಿಸಲ್ಪಟ್ಟ ಕಾಲು ನೆಲದ ಮೇಲೆ ತಲೆಯಿಂದ ಸಮ ಸರಳರೇಖೆಯಲ್ಲಿರುವಂತೆ ನೋಡಿಕೊಳ್ಳಿ. ಈ ಹಂತದಲ್ಲಿ ಎಡಗಾಲು ಶೀರ್ಷಾಸನದಲ್ಲಿರುವ ನೇರವಾಗಿ ಮೇಲೆಯೇ ಇರಬೇಕು. ತಲೆಯಿಂದಲೇ ದೇಹದ ಸಮತೋಲನ ಕಾಪಾಡಿಕೊಳ್ಳಿ. ಈ ಸ್ಥಿತಿಯಲ್ಲಿ ಆಳವಾಗಿ ಉಸಿರಾಡುತ್ತ 20ರಿಂದ 30 ಸೆಕೆಂಡುಗಳ ಕಾಲ ಇರಬೇಕು. ನಂತರ ಬಲಗಾಲನ್ನು ಮೇಲಕ್ಕೆತ್ತಿ ಶೀರ್ಷಾಸನ ಸ್ಥಿತಿಗೆ ತನ್ನಿ. ಬಳಿಕ ಎಡಗಾಲನ್ನು ಕೆಳಗಿಳಿಸಿ. ಈ ಸ್ಥಿತಿಯಲ್ಲಿ 20ರಿಂದ 30 ಸೆಕೆಂಡುಗಳ ಕಾಲ ಇರಬೇಕು. ನಂತರ ಉಸಿರು ಹೊರಕ್ಕೆ ಬಿಟ್ಟು ಶೀರ್ಷಾಸನ ಸ್ಥಿತಿಗೆ ಬಂದು, ಸಹಜ ಸ್ಥಿತಿಗೆ ಮರಳಬೇಕು.
ಪ್ರಯೋಜನ: ಕುತ್ತಿಗೆ, ಕಿಬ್ಬೊಟ್ಟೆ, ತೊಡೆಯ ಸ್ನಾಯುಗಳಿಗೆ ಶಕ್ತಿ ಬರಲು ಈ ಆಸನ ನೆರವಾಗುತ್ತದೆ.