ಮಹಿಳೆಯರು ಗಂಟೆಗಟ್ಟಲೆ ಒಂದೇ ಕಡೆ ಕುಳಿತುಕೊಂಡಿದ್ದರೆ ಅದು ಕ್ಯಾನ್ಸರ್‌ಗೆ ಕಾರಣವಾಗುವ ಸಾಧ್ಯತೆ ಇದೆ ಎಂದು ಅಧ್ಯಯನ ವರದಿಯೊಂದು ಹೇಳಿದೆ. ಆಲ್ಪಾ ಪಟೇಲ್ ಎಂಬವರ ನೇತೃತ್ವದಲ್ಲಿ ಅಮೆರಿಕದ ಕ್ಯಾನ್ಸರ್ ಸೊಸೈಟಿಯ ಅಧ್ಯಯನ ತಂಡ ಮಹಿಳೆಯರು 6 ಗಂಟೆಗಿಂತ ಹೆಚ್ಚು ಕಾಲ ಕೂತಲ್ಲೇ ಕುಳಿತಿದ್ದರೆ ಅವರಿಗೆ ಗರ್ಭಕೋಶ ಮತ್ತು ಸ್ತನ ಅರ್ಬುದ ಬರುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.
ದೀರ್ಘ ಹೊತ್ತು ಯಾತ್ರೆ ಮಾಡುವಾಗ, ಕಂಪ್ಯೂಟರ್ ಮುಂದೆ, ಇನ್ನಿತರ ಕೆಲಸ ಮಾಡುವಾಗ ಮಹಿಳೆಯರು ಸುಮಾರು 12 ಗಂಟೆಗಳ ಕಾಲ ಕುಳಿತಿರುತ್ತಾರೆ. ಹೆಚ್ಚು ಕಾಲ ಒಂದೇ ಜಾಗದಲ್ಲಿ ಕುಳಿತುಕೊಳ್ಳುವುದರಿಂದ ಮಹಿಳೆಯರಿಗೆ ಮಾತ್ರವಲ್ಲ ಪುರುಷರಿಗೂ ಕ್ಯಾನ್ಸರ್ ಬರುವ ಸಾಧ್ಯತೆಯಿದೆ.
ಆದ್ದರಿಂದ ಉತ್ತಮ ವ್ಯಾಯಾಮ ಮಾಡುವುದು ದೇಹಕ್ಕೆ ಒಳ್ಳೆಯದು. ದೀರ್ಘ ಹೊತ್ತುಗಳ ಕಾಲ ಕುಳಿತುಕೊಳ್ಳುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಆಗಾಗ್ಗೆ ಎದ್ದು ಮೈ ಕೊಡವುದು, ನಡೆದಾಡುವುದನ್ನು ಮಾಡಿದರೆ ಈ ರೀತಿಯ ತೊಂದರೆಗಳು ಇರಲ್ಲ ಎಂದು ಅಧ್ಯಯನ ತಂಡ ಹೇಳಿದೆ.
ಸುಮಾರು 146,000 ಜನರನ್ನು ಅಧ್ಯಯನಕ್ಕಾಗಿ ಬಳಸಿಕೊಳ್ಳಲಾಗಿತ್ತು.
ಅಧ್ಯಯನದಿಂದ ತಿಳಿದುಕೊಂಡ ಸಂಗತಿಗಳು
6 ಗಂಟೆಯಿಂದ ಹೆಚ್ಚು ಕಾಲ ಕುಳಿತುಕೊಂಡೇ ಕೆಲಸ ಮಾಡುವ ಮಹಿಳೆಯರನ್ನು ಇತರರಿಗೆ ಹೋಲಿಸಿದರೆ ದೀರ್ಘಕಾಲ ಕುಳಿತೇ ಕೆಲಸ ಮಾಡುವವರಿಗೆ ಶೇ. 37ರಷ್ಟು ಜೀವಕ್ಕೆ ಅಪಾಯ ಹೆಚ್ಚಿದೆ.
ಕನಿಷ್ಟ 6 ಗಂಟೆಗಳ ಕಾಲ ಕುಳಿತಲ್ಲೇ ಕುಳಿತುಕೊಳ್ಳುವ ಪುರುಷರಲ್ಲಿ ಶೇ. 17 ರಷ್ಟು ಮಂದಿಗೆ ಜೀವಕ್ಕೆ ಅಪಾಯವಿದೆ.
