ಬೆಂಗಳೂರು: ಗಣಿಧಣಿ ಹಾಗೂ ಮಾಜಿ ಸಚಿವ ಜನಾರ್ದನ ರೆಡ್ಡಿ ಪುತ್ರಿ ಬ್ರಹ್ಮಿಣಿ ಮದುವೆಗೆ ಎಲ್‌.ಸಿ.ಡಿ ಪರದೆ ಹೊಂದಿರುವ ಆಮಂತ್ರಣ ಪತ್ರಿಕೆಗಾಗಿ ಬರೋಬ್ಬರೀ 5 ಕೋಟಿ ರು. ಖರ್ಚು ಮಾಡಿದ್ದಾರೆ ಎಂದು ಹೇಳಲಾಗಿದೆ.
ಆಮಂತ್ರಣ ಪತ್ರಿಕೆ ತೆರೆಯುತ್ತಿದ್ದಂತೆ ಸ್ವಯಂಚಾಲಿತವಾಗಿ ಎಲ್‌.ಸಿ.ಡಿ ಪರದೆ ಮೇಲೆ ವಿಡಿಯೊ ಮೂಡಿ ಬರುತ್ತದೆ. 2 ನಿಮಿಷ 37 ಸೆಕೆಂಡಿನ ಈ ವಿಡಿಯೊದಲ್ಲಿ ರೆಡ್ಡಿ ಕುಟುಂಬದ ಸದಸ್ಯರು ಹಾಡಿನ ಮೂಲಕ ಮದುವೆಗೆ ಆಹ್ವಾನಿಸಿದ್ದಾರೆ,
ಸಂಗೀತ ನಿರ್ದೇಶಕ ಹಂಸಲೇಖ ರಚಿಸಿರುವ ಗೀತೆಯನ್ನು ಅವರ ತಂಡದ ಸದಸ್ಯರೇ ಹಾಡಿದ್ದಾರೆ. ತೆಲುಗು ಮತ್ತು ಕನ್ನಡ ಎರಡೂ ಭಾಷೆಯಲ್ಲಿ ವಿಡಿಯೊ ತಯಾರಿಸಲಾಗಿದೆ. ಆಯಾ ಭಾಷೆ ಮಾತನಾಡುವವರಿಗೆ ಆ ಭಾಷೆಯ ಆಮಂತ್ರಣ ಪತ್ರಿಕೆ ಕೊಡಲು ನಿರ್ಧರಿಸಲಾಗಿದೆ. ಚಲನಚಿತ್ರ ನಿರ್ದೇಶಕ ಸಾಯಿಕುಮಾರ್‌ ನೇತೃತ್ವದ ತಂಡವು ಈ ವಿಡಿಯೊ ಸಿದ್ಧಪಡಿಸಿದೆ. ಇದಕ್ಕಾಗಿ 15 ದಿನಗಳ ಕಾಲ ಹೈದರಾಬಾದ್‌ ನಲ್ಲಿ ಚಿತ್ರೀಕರಣ ಮಾಡಲಾಗಿದೆ.
ಎಲ್‌.ಇ.ಡಿ ಪರದೆ ಹೊಂದಿರುವ ಆಮಂತ್ರಣ ಪತ್ರಿಕೆಗೆ ಸುಮಾರು 5 ಕೋಟಿ ರು. ವೆಚ್ಚ ಮಾಡಲಾಗಿದೆ ಎಂದು ರೆಡ್ಡಿ ಮಾಧ್ಯಮಗಳಲ್ಲಿ ವರದಿಯಾಗಿದೆ.
Advertisement