ರಾಜ್ಯದ ನೂತನ ಡಿಜಿಪಿಯಾಗಿ ಮೈಸೂರು ಮೂಲದ ಎಚ್.ಸಿ ಕಿಶೋರಚಂದ್ರ ನೇಮಕ ಸಾಧ್ಯತೆ

ಬೆಂಗಳೂರು: ರಾಜ್ಯದ ನೂತನ ಪೊಲೀಸ್​ ಮಹಾ ನಿರ್ದೇಶಕ ಸ್ಥಾನಕ್ಕೆ ಸಿಎಂ ಸಿದ್ದರಾಮಯ್ಯ ಸರ್ಕಾರ ಹೊಸ ಐಪಿಎಸ್ ಅಧಿಕಾರಿಯನ್ನು ನೇಮಿಸುವ ಸಾಧ್ಯತೆಯಿದೆ.

ಮೈಸೂರು ಮೂಲದ  ಹೆಚ್.ಸಿ. ಕಿಶೋರ್​ ಚಂದ್ರ ಅವರು ನೂತನ ಡಿಜಿಪಿಯಾಗಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. 1984 ಬ್ಯಾಚ್​ನ ಐಪಿಎಸ್ ಅಧಿಕಾರಿ. ಎಂಎ, ಸ್ನಾತಕೋತ್ತರ ಕಾನೂನು ಡಿಪ್ಲೊಮಾ ವ್ಯಾಸಂಗ ಮಾಡಿದ್ದಾರೆ. ಸದ್ಯ ಈ ಡಿಜಿಪಿ ಹಾಗೂ ಐಜಿ ಯಾಗಿರುವ ಆರ್​.ಕೆ. ದತ್ತಾ ಅವರ ಅಧಿಕಾರ ಅಕ್ಟೋಬರ್​ 31ರಂದು ಅಂತ್ಯಗೊಳ್ಳಲಿದೆ.

ಡಿಜಿಪಿ ರೇಸ್​ನಲ್ಲಿ ಕಿಶೋರ್ ಚಂದ್ರ, ಎಂ.ಎನ್​. ರೆಡ್ಡಿ, ನೀಲಮಣಿ ರಾಜು ಇದ್ದರೂ. ಸಂಪುಟ ಸಭೆಯಲ್ಲಿ ಕೂಡ ಡಿಜಿಪಿ ಆಯ್ಕೆ ಕುರಿತು ಚರ್ಚೆ ನಡೆದಿದೆ. ಆ ಸಮಯದಲ್ಲಿ ಸಚಿವರಾದ ಡಿ.ಕೆ.ಶಿವಕುಮಾರ, ಟಿ.ಬಿ ಜಯಚಂದ್ರ ಸೇರಿದಂತೆ ಎಲ್ಲ ಒಕ್ಕಲಿಗ ಸಚಿವರು ಹೆಚ್.ಸಿ.ಕಿಶೋರ್​ ಚಂದ್ರ ಅವರನ್ನು ನೇಮಕ ಮಾಡಲು ಬೆಂಬಲ ಸೂಚಿಸಿದ್ದರು ಎಂದು ತಿಳಿದು ಬಂದಿದೆ.