ಗ್ರಂಥಾಲಯ ತೆರೆಯುವ ಸಲುವಾಗಿ ಕಚೇರಿಯ ಸಿಬ್ಬಂದಿಗಳು ಕಳೆದ ಮೇ ತಿಂಗಳಿನಿಂದಲೇ ಪುಸ್ತಕಗಳನ್ನು ಸಂಗ್ರಹಿಸಲು ಆರಂಭಿಸಿದ್ದರು. ಇಂದು ಗ್ರಂಥಾಲಯದಲ್ಲಿ 2 ಸಾವಿರಕ್ಕೂ ಅಧಿಕ ಪುಸ್ತಕಗಳಿವೆ. ಇತಿಹಾಸ, ಆರ್ಥಶಾಸ್ತ್ರಸ ಸಮಾಜಶಾಸ್ತ್ರ, ಜೀವಶಾಸ್ತ್ರ, ಸಂಗೀತ, ಸಾಹಿತ್ಯ ಸೇರಿದಂತೆ ಹಲವು ವಿಷಯಗಳು ಕುರಿತ ಪುಸ್ತಕಗಳು ಈ ಗ್ರಂಥಾಲಯದಲ್ಲಿ ದೊರಕುತ್ತವೆ. ಇದಲ್ಲದೆ 12 ಕನ್ನಡ ದಿನ ಪತ್ರಿಕೆಗಳು, 4 ಆಂಗ್ಲ ಪತ್ರಿಕೆಗಳು ಹಾಗೂ 1 ಮಾಸಿಕ ನಿಯತಕಾಲಿಕೆಗೆ ಕೂಡ ಗ್ರಂಥಾಲಯದಲ್ಲಿ ಲಭ್ಯವಿರಲಿದೆ.
