ಬೆಂಗಳೂರು ನಗರದಲ್ಲಿ ಇದ್ದ ದಿನದಂದು ಬೆಳಿಗ್ಗೆ 10 ರಿಂದ 11 ಗಂಟೆಯವರೆಗೆ ಕುಮಾರಸ್ವಾಮಿಯವರು ಜನರ ಸಮಸ್ಯೆಗಳನ್ನು ಆಲಿಸಲಿದ್ದಾರೆ. ಈ ಮೂಲಕ ನಾಡಿನ ಜನರ ಸಮಸ್ಯೆಗಳಿಗೆ ಸ್ಥಳದಲ್ಲಿಯೇ ಪರಿಹಾರ ಕಂಡುಕೊಳ್ಳುವ ಪ್ರಯತ್ನಗಳನ್ನು ಮಾಡಲಿದ್ದಾರೆ. ಶೀಘ್ರ ಈ ಜನತಾದರ್ಶನ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗುವುದು ಎಂದು ಮೂಲಗಳು ತಿಳಿಸಿವೆ.
ವಾಸ್ತವ್ಯವನ್ನು ಕೃಷ್ಣಾದ ಅಕ್ಕಪಕ್ಕದಲ್ಲಿರುವ ಅನುಗ್ರಹ ಅಥವಾ ಕಾವೇರಿಯಲ್ಲಿ ಮಾಡುವ ಬದಲು ಜೆ.ಪಿ.ನಗರದಲ್ಲಿರುವ ತಮ್ಮ ಸ್ವಗೃಹದಲ್ಲಿಯೇ ಮುಂದುವರೆಸಲು ಕುಮಾರಸ್ವಾಮಿಯವರು ತೀರ್ಮಾನಿಸಿದ್ದಾರೆ.
ಜನತಾದರ್ಶನ ಸೇರಿದಂತೆ ಇನ್ನಿತರೆ ಅಧಿಕಾರಿಗಳ ಸಭೆ, ಮತ್ತಿತಕರ ಕಾರ್ಯಗಳ ನಿರ್ವಹಣೆಗಳಿಗಾಗಿ ಮಾತ್ರ ಕುಮಾರಸ್ವಾಮಿಯವರು ಕೃಷಅಣಾಗೆ ಆಗಮಿಸುತ್ತಾರೆಂದು ಹೇಳಲಾಗುತ್ತಿದೆ.
ಜೆಪಿ. ನಗರದಲ್ಲಿರುವ ತಮ್ಮ ನಿವಾಸದಲ್ಲಿ ಜನತಾದರ್ಶನ ನಡೆಸಿದರೆ, ಜನಸಂದಣಿ ಹೆಚ್ಚಾಗಿ ನೆರೆಹೊರೆಯವರಿಗೆ ಸಮಸ್ಯೆಯಾಗುವ ಸಂಭವವಿದ್ದು, ಈ ಹಿನ್ನಲೆಯಲ್ಲಿ ಕೃಷ್ಣಾದಲ್ಲಿಯೇ ಜನತಾದರ್ಶನ ನಡೆಸಲು ನಿರ್ಧರಿಸಿದ್ದಾರೆಂದು ತಿಳಿದುಬಂದಿದೆ.
