ವಿಜಯಪುರ: ವಿಜಯಪುರ ನಗರದ ಖಾಸಗಿ ಆಸ್ಪತ್ರೆಯಲ್ಲಿ ಮಹಿಳೆಯೊಬ್ಬರು ನಾಲ್ಕು ಮಕ್ಕಳಿಗೆ ಜನ್ಮ ನೀಡಿದ್ದಾರೆ.
ನಗರದ ಇಂಡಿ ರಸ್ತೆಯಲ್ಲಿರುವ ದಾಲಿಬಾಯಿ ಚಂದಾಲಾಲ್ ಸಂದೇಶ ಎಂಬುವರ ಪತ್ನಿ ನಾಲ್ವರು ಮಕ್ಕಳಿಗೆ ಜನ್ಮ ನೀಡಿದ ಮಹಾತಾಯಿ. ಮೂಲತಃ ರಾಜಸ್ತಾನದವರಾಗಿರುವ ದಂಪತಿಗೆ 4 ವರ್ಷದ ವಿಶೇಷಚೇತನ ಹೆಣ್ಣು ಮಗುವಿತ್ತು. ಆದರೆ ದಂಪತಿ ಗಂಡು ಮಗುವಿನ ಆಸೆ ಹೊತ್ತಿದ್ದರೂ ಅದು ಸಾಧ್ಯವಾಗಿರಲಿಲ್ಲ.
ಜನಿಸಿದ ನಾಲ್ಕು ಮಕ್ಕಳು ತಲಾ ಒಂದೂವರೆ ಕಿಲೋ ಗ್ರಾಂ ತೂಗುತ್ತಿದ್ದು, ಈ ಪೈಕಿ ಎರಡು ಹೆಣ್ಣು ಹಾಗೂ ಎರಡು ಗಂಡು. ನಾಲ್ಕೂ ಮಕ್ಕಳು ಆರೋಗ್ಯಯುತವಾಗಿದ್ದು ಮುಂಜಾಗರೂಕತಾ ಕ್ರಮವಾಗಿ ಆಸ್ಪತ್ರೆಯ ಎನ್‌ಐಸಿನಲ್ಲಿಡಲಾಗಿದೆ.
ಏಕಕಾಲದಲ್ಲಿ ನಾಲ್ಕು ಮಕ್ಕಳಿಗೆ ಜನ್ಮ ನೀಡುವುದು ಅಪರೂಪ ಪ್ರಕರಣ. 6 ಲಕ್ಷಕ್ಕೊಬ್ಬಳಂತೆ ಮಹಿಳೆಯರಿಗೆ ನಾಲ್ಕು ಮಕ್ಕಳು ಜನಿಸುತ್ತೆ ಎಂದು ಮುದನೂರ ಮಲ್ಟಿ ಸ್ಪೆಶಾಲಿಟಿ ಆಸ್ಪತ್ರೆ ವೈದ್ಯ ಡಾ. ಆಶಾ ಮುದನೂರ ಹೇಳಿದ್ದಾರೆ..
