ಪೋಸ್ಟ್ ಮ್ಯಾನ್ ಗೆ ಕೊರೋನಾ ಸೋಂಕು: ಮೂರು ದಿನಗಳ ಕಾಲ ಜಿಪಿಓ ಬಂದ್

ಬೆಂಗಳೂರು: ಮನೆ ಮನೆಗೆ ತೆರಳುವ ಪೋಸ್ಟ್ ಮ್ಯಾನ್  ಕೊರೋನಾ ಸೋಂಕು ದೃಢವಾದ ಹಿನ್ನೆಲೆಯಲ್ಲಿ ಮೂರು ದಿನಗಳ ಕಾಲ ಪ್ರಧಾನ ಅಂಚೆ ಕಚೇರಿಯನ್ನು ಮುಚ್ಚಲಾಗಿದೆ.

ಬೆಂಗಳೂರಿನ ಎಲ್ಲಾ ಅಂಚೆ ಕಚೇರಿಗಳಲ್ಲಿ ಅತ್ಯಂತ ಬ್ಯುಸಿ ಇರುವುದು ಜಿಪಿಒ ಇಲ್ಲಿ ಪ್ರತಿದಿನ ಸರಾಸರಿ 5,000 ಸ್ಪೀಡ್ ಪೋಸ್ಟ್ ಲೇಖನಗಳು, 3,000 ನೋಂದಾಯಿತ ವಸ್ತುಗಳು ಮತ್ತು 550 ಪಾರ್ಸೆಲ್‌ಗಳನ್ನು ಪ್ರತಿದಿನ ವಿಲೇವಾರಿಯಾಗುತ್ತದೆ.

ನಗರದಲ್ಲಿ ನಾಲ್ಕು ಅಂಚೆ ಕಚೇರಿಗಳಿದ್ದು, ರಾಜ ರಾಜೇಶ್ವರಿ ನಗರ, ಶಿವರಾಮ ಕಾರಂತ್ ನಗರ, ದೀಪಾಂಜಲಿ ನಗರ ಮತ್ತು ಬೋಲಾರ ದಲ್ಲಿ ಶಾಖೆಗಳಿವೆ, ಈ ಎಲ್ಲಾ ಶಾಖೆಗಳನ್ನು ಸ್ಯಾನಿಟೈಸ್ ಮಾಡಲಾಗಿದೆ.

ಮಂಗಳವಾರ ಬೆಳಗ್ಗೆಯಿಂದಲೇ ಡೆಲಿವರಿ ವಿಭಾಗದ ಕಚೇರಿಯನ್ನು ಬಂದ್ ಮಾಡಿರುವುದಾಗಿ ಬೆಂಗಳೂರು ಪ್ರಧಾನ ಅಂಚೆ ಕಚೇರಿಯ ಪೋಸ್ಟ್ ಮಾಸ್ಟರ್ ಜನರಲ್ ಎಸ್.ರಾಜೇಂದ್ರ ಕುಮಾರ್ ಹೇಳಿದ್ದಾರೆ.

ಶುಕ್ರವಾರ ಬೆಳಗ್ಗೆ ಮತ್ತೆ ಅಂಚೆ ಕಚೇರಿ ತೆರೆಯುವ ಸಾಧ್ಯತೆಯಿದೆ, ಜಿಪಿಒನ ಇತರ ವಿಭಾಗಗಳು ಎಂದಿನಂತೆ ಕಾರ್ಯನಿರ್ವಹಿಸುತ್ತಿವೆ.  ವಿಧಾನ ಸೌಧ, ಇನ್ ಪೆಂಟ್ರಿ ರಸ್ತೆ , ವಸಂತ್ ನಗರ ಮತ್ತು ಕಂಟೋನ್ ಮೆಂಟ್ ಪ್ರದೇಶಗಳಲ್ಲಿ ಎಂದಿನಂತೆ ಡೆಲಿವರಿ ನಡೆಯಲಿದೆ, ಮೇಲ್ ವಿಂಗಡಣೆ ವಿಭಾಗವು ಕಾರ್ಯನಿರ್ವಹಿಸುತ್ತಿರುವುದರಿಂದ ನಗರದ ಇತರ
ಭಾಗಗಳಿಗೆ ವಿತರಣೆಗಳು ಪರಿಣಾಮ ಬೀರುವುದಿಲ್ಲ ಎಂದು  ಹೇಳಿದ್ದಾರೆ.